அண்ணாமலையான்

நீங்களும் ஹீரோதான்..

2010-02-10T12:45:00.000+05:30

வணக்கம் தோழர்களே. எல்லாரும் நல்லாருக்கீங்களா? நீங்க யாராவது பத்மபூஷன், பத்ம விபூஷன், பத்மஸ்ரீ, ஸ்ரீலஸ்ரீ இத்யாதி விருது எதாவது, நீங்க அறிஞ்சோ அறியாமலோ, தெரிஞ்சோ தெரியாமலோ செஞ்ச எதுக்காவது (உதா: தலைவன்(ர்) வாழ்கன்னு கத்திருந்தா கூட போதும்) இந்த வருஷம் வாங்கிருக்கீங்களா? அப்டி யாராவது ‘வாங்கி’யிருந்தா சொல்லுங்க, சந்தோஷத்த பகிர்ந்துக்கலாம். ஏன்னா, இந்த உலகத்துல இப்பலாம் எத வாங்கறதுனாலும் ரொம்ப ஈஸி, காசே இல்லன்னாலும் கையெழுத்துக்கு தருவாங்க... ஆமாங்க, பொண்டாட்டியே கையெழுத்துல சேந்துக்கறா, பிரிஞ்சுடறா..!!? (யார் கூட வேனுன்னாலும், சம்மந்த பட்டவங்களும், ஜட்ஜும் போடற கையெழுத்தால!) அது மட்டுமில்லேங்க, உங்களை எப்படி எதாவது வாங்க வைக்கறதுங்கற வித்தைல எல்லா யாவரிங்களும் (அரசியல் யாவாரம் உட்பட) தலகீழா நின்னு தண்ணி குடிச்சவங்க.. எப்டி இருந்தாலும் கடேசில ஏமாளி நீங்கதான்..

இன்னிய நெலமைக்கி நீங்க கடைத்தெருவுக்கு குடும்பத்தோட போனா திரும்பி வரும் போது, நீங்க பல முக்கியமான நேரம் கவனமா இருந்த, உங்க அளவான குடும்பத்துல ஒரு டிக்கெட் கூடியிருந்தா கூட ஆச்சரியமில்லே.. அந்தளவுக்கு உங்கள ஏமாத்தி எதயாவது உங்கள்ட்ட வித்துர்றதுதான் அவங்க சாமர்த்தியம். ஒரு உதாரணம் பாருங்க, “யானை வாங்குனா பூனை ஃப்ரீ”, அப்டின்னு ஒரு விளம்பரம் வந்தா, கூட்டத்த கட்டுபடுத்த மிலிட்டரி தான் வரனும்.. ஏன்னா, யானைக்கும் பூனைக்கும் என்ன சம்மந்தம்?, வாங்குனா என்ன பிரயோஜனம்? அப்டின்னு யாரும் யோசிக்கறதுல்ல.. ஃப்ரீ அவ்ளோதான்! வுழுந்தடிச்சி ஓடி வாங்கிட வேண்டியது.. பாக்கிய அப்புறம் பாத்துக்கலாம்னு.. அப்புறம் பாத்தாதான் தெரியும், யான கக்கா போனா கூட அத பக்காவா க்ளீன் பன்ற தளவாடமெல்லாம் அதே கம்பெனிலதான் வாங்கி தொலையனும்னு.. அதும் அவங்க சொல்ற விலைக்கி.. இப்டி நீங்க நொந்துகிட்டிருக்கும் போதுதான் அந்த ஃப்ரீ பூனை மியாவ் மியாவ்ன்னு (ஸ்ரேயாவ நெனைக்காதீங்க) இடுப்புல பொறாண்டும்.. என்னன்னு பாத்தா, சாப்புட எலியும், சைட் டிரிங்ஸ்சா பாலும் கேக்கும். அதயும் பாத்தா அந்த கம்பெனிதான் தயாரிக்கும்... “எப்பவும் குடிங்க ஏழரைப்பால்”னு அதுக்கு விளம்பரம் வேற..! சரி பால்தானேன்னு வாங்க போனா அங்கதான் உங்களுக்கு ஏழரை ஆரம்பிக்கும்.... பால் கம்பெனில வாயெல்லாம் பல்லா, ரெகுலரா 6 வருஷத்துக்கு காண்ட்ராக்ட் போட்டாத்தான் வாங்கலாம்னு தலயில கல்ல போட்டு சொல்வாங்க.. (பூனை அத்தன வருஷம் இருக்குமா? இருந்தாலும் நம்மளோடயே இருக்குமா? அப்டியே இருந்தாலும் நாம இருப்போமா?) இத மாதிரி (வாங்கறப்ப வராத) சனியன் புடிச்ச சந்தேகம்லாம் இப்பத்தான் வரும்.

இன்னும் சில பேரு, 300 ரூவாய்க்கு 35000 பொருளுன்னு ஒரு நல்ல ஞாயித்துகிழமையா விளம்பரம் கொடுப்பான் (அதயும் இந்த பேப்பர் காரங்க இலவச இனைப்புல போட்டு நம்மள ஏமாத்துவாங்க)... நம்ம பொது ஜனம் எல்லா சாமானயும் எண்ணி வாங்க கூட நேரமில்லாம அடிச்சி புடிச்சி வாங்கிட்டு போவாங்க.. அப்புறம், செய்கூலி இல்ல, சேதாரம் இல்லன்னு தமுக்கடிச்சி சொல்றவங்க, சொல்லாம விடறது தரமும் இல்லங்கறதுதான்... மேலும், சில ஓட்டல் காரங்க திருவிழா நடத்துவாங்க, புளி கொழம்பு காரம், புன்னாக்கு வாரம் அப்டின்னு.. அங்கனயும் அடிதடிதான். சில இடத்துல 32 அடி தோசையும் 6 வாளி சாம்பாரும் ஐநூறே ரூவாதான்னு வாய்க்குள்ளயே ஆசைய அலய வுடுவாங்க.. ஏன், எதற்கு, எப்படின்னு எவன் சொன்னாலும் யோசிக்காத நம்ம மஹா ஜனம் எல்லா இடத்துலயும், காவல் துறையே வந்து கூட்டத்த கட்டுப்படுத்துனாலும் அந்த கூட்டத்துல முட்டி மோதி வெற்றி வாகை சூடிடும்...

இப்பலாம் சினிமா போறதுன்னா கேக்கவே வானாம், தனியா போனா ஒரு நாள் சம்பளமும், குடும்பத்தோட போனா ஒரு வார சம்பளமும் நிச்சய காலி... கூடவே மருத்துவ செலவு வேற.. (தியேட்டர்ல விக்கற தின்பண்டங்கள், படத்தால வர தல வலி அப்புறம் இந்த ரசிக குஞ்சுகள் போடற கூச்சலால வர காது வலி எக்ஸ்ட்ரா..) இதில்லாம போற வர ரோடெல்லாம் இந்த மிக்ஸி வாங்குங்க, பைக் வாங்குங்க, முடிஞ்சா பரலோகத்துக்கு டிக்கெட் வாங்குங்கன்னு ஒரே விளம்பர பேனர் தொல்ல..

சரி, வீட்டுலயாவது நிம்மதியா இருக்கலாம்னா அங்கயும் டிவி வழியா வந்து. “இந்த மாத்திரய போடுங்க, ராத்ரி பூரா ஜோருங்க”னு. (ராத்ரி பூரா ஜோருனா காலயில? டர்ர்ருதானா?). ஏன் இப்டி தொரத்தி தொரத்தி மக்கள வாங்கறதுக்கு தூண்டறாங்க? பொருளாதாரம் வளந்துடுச்சா? இல்லியே.. (இன்னும் 50%-60% சதவீத நம் மக்கள் நல்ல தண்ணிருக்கும், உணவுக்கும் நாயாதான் அலயுறாங்க) அப்புறம்? உலகத்துல அதிகளவு நுகர்வோர் இருக்கற நாடு நம்மளுது, அது மட்டுமில்ல, மிக பரந்த ஏரியாவுல அமைஞ்ச நாடுங்கறதால வித்தவன தேடுறது கஷ்டம், விற்பனைக்குப் பின்னான சேவைகளை பத்தியும் அதிகளவில் தெரியாதுங்கறதாலயும், உலகத்துல எங்க, எத தயாரிச்சாலும், அந்த குப்பைய கொட்டி காசாக்க முதல்ல நம்ம நாட்டத்தான் தேர்ந்தெடுக்கறாங்க.. பாருங்க பாதி ஜனத்தொகைக்கு ஒரு வேள சோத்துக்கே வழியில்லன்னு சர்வே சொன்னாலும், அம்பத்தஞ்சு கோடி செல் கனெக்‌ஷன் வச்சுருக்கற நாடு நம்ம தாய் நாடுதான்.. ஏன்னா சோத்துக்கே வழியில்லன்னாலும் சூ வுக்கு போட சந்தன சோப்பு கேக்கற ஆளுங்கதான் நம்ம பயளுவ.

நம்மாளுங்க நெறய பேரு இன்னிக்கு கொறஞ்சது ஒரு நாளக்கி நூறு ரூவாயிலேருந்து(ஃப்ரீ) , ஆயிரம் ரூவாய்க்கும் மேல சம்பாதிக்கறாங்க. ஆனா அத எப்படி செலவு பன்றாங்க? யோசிச்சு பாத்தா பாதிக்கும் மேல வேஸ்ட்டா தான் இருக்கும்.. டிவி வச்சிருக்கவங்க, எல்சிடி டிவி, எல்ஈடி டிவி அப்டின்னு பல டிவிக்கள பெருமைக்கு வாங்கி சுவத்துல மாட்டுனாலும், அதுல வழக்கம் போல அண்ணன்-தம்பி டிவி கம்பெனியோட விளம்பரக்காரன் தான் வந்து வாஆஆஆடான்னு கத்தி எவனுமெ வராத தியேட்டருக்கு கூப்புடுவான்... இத மறந்துட்டு, எல்லாரும் பட்ஜெட்ல ஆஃபர், மந்திரி வார்த்தை சூப்பர்னு வருஷா வருஷம் ஏமாறது மட்டுமில்ல, தொனக்கி நண்பர்களயும் இழுத்து கொல்லயில விடுவாங்க... இத மாதிரி பல உதாரணம் சொல்லலாம்..

ஒரேயொரு வழில வருமானம் வாங்கிக்கிட்டு, நாம ஒவ்வொரு வருஷமும் பல்லாயிரக்கணக்கான கோடி ரூவாய்க்கி நம்ம இந்தியாவுல பிரமாதமான யாவாரம் பன்றோம். எல்லாம் நான், நீங்க சேந்து செஞ்சது... இப்டி எக்கச்சக்கமா கண்டது, கேட்டதையெல்லாம் வாங்கறோம், இன்னும் பல வழில நாம சம்பாதிக்கற பணத்த செலவு பன்றோம்.. பணத்த மட்டுமல்ல நேரத்தையும் கூட தான்.. எதெதுக்கோ காலத்தையும், காசையும் செலவழிக்கற நாம சுத்தமா மறந்துட்டது ஒன்னு இருக்கு. அது? அதுக்கு காரனமும் பணமும், மனசு மறத்து போனதும்தான்.......

நம்ம இந்தியாவுல கடேசி இனம் வறுமை கோட்டுக்கு கீழே இருக்கறவங்கதான்.. ஆனா அவங்களுக்கும் அடுத்து ஒரு இனம் அரசாங்க கணக்குலே வராம இருக்கு தெரியுமா? அவங்கதாங்க ஆதரவற்றோர், அநாதைகள், மன நலமில்லாமல் பெற்றோர், உறவினரால் கைவிடப்பட்டு தெருவில் அலைபவர்கள் மற்றும் மனசாட்சி இல்லாம கைவிடப்படும் முதியோர்கள். சின்ன சின்ன தளிர் குழந்தைகள், முதியோர்கள் இரண்டு வகையினரும் எதிர்பாக்குறது என்ன? காசோ, நல்ல சுவையான உணவோ, உடையோ இல்ல.. அன்பு... அன்பு ஒன்னுதான்... இன்னிக்கி ஆதரவற்றோர், அநாதைகள் மற்றும் முதியோர் இல்லங்கள் அப்டிங்கற விஷயம் பெரிய அளவுல இருக்கறதுக்கு காரனம் நாம பொறுப்பற்றதனமா இருக்கறதுதான்.. நம்ம எல்லாருமே ஏதோ ஒரு வகையில இந்த விஷயத்துல சம்மந்தப் பட்டிருக்கிறோம்...

அதெல்லாம் கிடையாது நான் எப்பவுமே மாச சம்பளத்துல 2% இந்த மாதிரி விஷயங்களுக்கு ஒதுக்கிடுறேன்னு சொல்றீங்களா? அப்டி நீங்க ஒதுக்கறத பதுக்கத்தான் பல பேரு ரெடியா இருக்காங்கன்னு ஞாபகம் வச்சுக்கங்க... அப்டி நீங்க ஒதுக்கறது கூட டாக்ஸ் ஃப்ரீயானு உங்க சுயநலம் பாத்துதானே? அது மட்டுமில்லே கடைதெருவுலயோ, கார் நிக்கற சிக்னல்லயோ கடமைக்கு சில்லறையோ, ஒர்ரூவாயோ தூக்கி போட்டுட்டு தர்மம் தல காக்கும்னு நம்பிக்கிட்டு போறவங்களும் தப்புதான் பன்றீங்கன்னு புரிஞ்சுக்குங்க... ஏன்னா பிச்சை எடுக்கறதுக்குன்னு பல கொழந்தகள கடத்தறாங்கன்னு. கொழந்தகள இழந்த அந்த பெற்றோர்கள் பாவம் இல்லியா? இதெல்லாம் யோசிக்காம நம்ம தல தப்புனா போதுன்னு சில்லறயில புண்னியம் தேடுறோம் நாம..

இந்த முதியோர்கள் இருக்காங்களே அவங்க நெலம ரொம்ப மோசம்.. யாருமே இல்லாம இருக்கறவங்கதான் அநாதங்க, (யாரோ யாரோடயாவது சேந்தாத்தான் கொழந்த பொறக்கும், அப்புறம் எப்டி அநாத? பொறுப்ப தட்டிக் கழிச்சிட்டு போற மனிதம் செத்த பெற்றோர்கள் செய்யற வேல அது) ஆனா பாருங்க, எல்லாரும் இருந்தும் பாத்துக்கற பொறுமையும், அன்பும், கடமயும் மறந்துட்டு சில ஆயிரம் ரூவாய இல்லத்துல கட்டிட்டு பெற்றோர்கள தவிக்க விட்டுட்டு போறாங்களே, அவங்கள என்ன செய்யறது? அந்த அன்ப மறந்த வாரிசுகள நெனச்சே எவ்வளவோ பெரியவங்க உயிர விட்டுருக்காங்க.. ஏக்கமே உயிர கொல்லுங்கறதுக்கு சாட்சியா எத்தன உயிர் போயிருக்கு தெரியுமா?

குப்ப தொட்டியிலே போட்ட கொழந்தங்க, திருடிட்டு வந்து பிச்ச எடுக்க வைக்கற புள்ளங்கனு, இப்டி லட்சக்கணக்கான இளம் தளிர்கள் வெயில்லயும், மழையிலயும் தெருவுல வெறும் சில்லறை காசுக்காக திரியறாங்கன்னு யாராவது நெனச்சி பாத்திருக்கீங்களா? நம்ம வூட்டு புள்ளங்களுக்கு நம்மளால முடிஞ்ச அளவுக்கு கேட்டது, கேக்காததுன்னு வாங்கி கொடுத்து அழகு பாக்குற நாம, இந்த மாதிரி தெருவுல திரியற கொழந்தகள பத்தி ஈஸியா எடுத்துகிட்டு போறோமே ஏன்?

“யோவ் உனக்கு வேற வேலயில்ல, இதே மாதிரி எல்லா விஷயத்துலயும் எதாவது கொற கண்டு புடிச்சுட்டே இரு, அவ அவனுக்கு ஆயிரம் வேலயிருக்கு, நாங்க முடிஞ்ச அளவுக்கு திருப்பதிக்கு வருஷா வருஷம் உண்டியல்ல போட்டுர்றோம்” அப்டின்னு சட்னு சொல்லிட்டு போய்டாதிங்க தோழர்களே... நம்ம எல்லாருக்கிட்டேயும் மனசாட்சி இன்னும் கொஞ்சம் ஒட்டிக்கிட்டு இருக்கு. அதனால முடிஞ்ச அளவுக்கு உதவி பன்னுங்க.. உதவின்னதும் தர்மமோ, டொனேஷனோ இல்ல..

பச்ச கொழந்தகள எங்க பாத்தாலும், அவங்க உண்மையிலே பிச்ச எடுக்கற சூழ்நிலயிலயோ அல்லது வேல பாத்து சாப்புடற நெலமயிலொ இருக்காங்களான்னு தெரிஞ்சுக்குங்க. தெரிஞ்சுக்கிட்டு உங்க அளவுக்கு என்ன உதவி செய்ய முடியுமோ அத தயங்காம, புண்னிய பாவம் எதிர் பாக்காம செய்யுங்க.. அப்டி யாரையுமே நான் பாத்ததுல்லன்னு சொல்றவங்க ஏழ பாழைங்க ளோட கொழந்தைகள படிக்க வைக்க எதாவது ஒரு உதவி பன்னுங்க... டிவி, பேப்பர், ரயில்வே ஸ்டேஷன், பஸ் ஸ்டாண்ட்ல எவ்வளவோ கொழந்தைகள காணவில்லனு விளம்பரம் வருது, அந்த பெற்றோருக்கு எதாவது துப்பு கொடுத்தீங்கண்னா கூட பெரிய உதவிதான்....(அப்டி தொலச்சவங்க மன நிலய எண்ணி பாருங்க... நம்மூட்டு செல்லங்க, கிழிஞ்ச சட்டயோட தெருவோரத்துல கையேந்துனா எப்டியிருக்கும்? கற்பனையே ஹார்ட் அட்டாக்க வரவழைக்குதுல்ல?)

அநாதைகள் அப்டிங்கற வார்த்தைய நாம நெனச்சா ஒழிச்சிரலாம். ஏன்னா உருவாக்குனதே நாமதான்.. ஆட்டுக் குட்டிக்கு நாய் பால் கொடுக்குது, கொரங்கு பூனக்குட்டிய வளக்குது, இதெல்லாம் பேப்பர்ல பாத்துட்டு பிஸ்கெட் தின்னுட்டு போய்டறோம். அப்ப ஆறறிவு உள்ள நம்மளால நாலு புள்ளங்கல எந்த எதிர் பார்ப்பும் இல்லாம வளத்து ஆளாக்க முடியாதா? மனசு வச்சா முடியும்.

அது மட்டுமல்ல, 2000 ரூவாயிலேருந்து 200000 வரைக்கும் விக்கற வகை வகையான நாய்க்குட்டிகள வாங்கி, அதுக்கு ஜலுக்கா, புலுக்கான்னு ஏதோ ஓர் பேர வச்சி கொஞ்சி குலாவர நெறய பேர், தெருவோர புள்ளைங்களுக்கு, எதோ அந்த நாய் குட்டிக்கு பிஸ்கெட் வாங்கிப்போடற காசளவுக்காவது உதவுனா தேவல....

வயதானவர்கள் இருக்கற முதியோர் இல்லத்துலயும், ஆதரவற்றோர் மற்றும் அநாதை விடுதிகளிலும் இருக்கறவங்க நல்ல சொகுசா இருக்கறாங்களா? இல்ல. எதோ சாப்பாடு கெடச்சாலும் நிம்மதியும், அன்பும் எதிர் பாத்து, கெடைக்காம வாழ்க்கைய முடிவுக்கு கொண்டு வர போராடிக்கிட்டிருக்கவங்கதான் அங்க இருக்காங்க....

நண்பர்களே, உங்களால எந்தளவுக்கு முடியுமோ அத்தன உதவிகளும் செய்யுங்க,, ஆனா நேரடியா செய்யுங்க... இன்னிய தேதிக்கு நாம நம்மளோட வருஷ சம்பளத்துல ஒரு சில நாள் அல்லது ஒரு நாள் ஊதியத்த, சரி வேனாம் அதுல பாதிய செலவு பன்னா கூட அது பெரிய உதவிதான். பாருங்க, சாராய காசு தான் நம்ம நாட்டோட பட்ஜெட்டுக்கு முதுகெலும்பா இருக்குது.. யாரு காசு அது? எல்லாம் நம்ம கொடுத்ததுதான்.. இப்டி பற்பல வழில நாம அழிக்கறதுல ஒரே ஒரு துளி நம்மை போன்ற சக மனிதர்களுக்கு செலவிடலாமெ? அப்டி செலவு பன்ன நெனச்சா, டி.டி. எடுத்து அனுப்பறத விட நேர்ல குடும்பத்தோட போங்க, (தயவு செய்து ப்ரட், பிஸ்கெட் வாங்கிட்டு போறத தவிருங்க, ஏன்னா எல்லாரும் அதயேதான் வாங்குறாங்க, அதனால தேவை என்னன்னு கேட்டு செய்யுங்க) நாலு வார்த்த அவங்களோட அன்பா பேசுங்க, அப்ப அவங்களுக்கு கிடைக்கிற சந்தோஷம்தான் உங்களுக்கு கிடைக்கிற புண்ணியம்... முக்யமா உங்க புள்ளங்களுக்கு, மத்தவங்களுக்கு உதவறது முக்யம், நல்ல விஷயம்னு கத்து கொடுங்க.. இதோ இப்ப கூட இந்த பதிவ படிக்க எதோ ஒரு ப்ரவுசிங் செண்ட்டருக்கு ஒரு மணி நேரத்துக்கு கொடுக்கற காச கூட வருஷத்துக்கு ஒரு தடவ உங்க கண்ல படற யாருக்காவது உதவியா செஞ்சா கூட போதும். எங்கிட்ட காசு இல்ல நான் கூலிக்கு வேல செய்றேன், ஆனா எப்டி உதவி செய்யறதுன்னு கேக்கறவங்களுக்கு, காசு கொடுத்தலோ, அறுசுவை உணவு போட்டாலோ உதவி இல்லங்க, அன்பா, ‘நல்லாருக்கீங்களான்னு’ ஒரு வார்த்த கேட்டா கூட போதும், இத மாதிரி கேக்க ஆளு இல்லாம இருக்கறவங்கதான் இவங்கெள்லாம்..

இதெல்லாம் வாரமோ, மாதமோ போக வேண்டியதில்ல குறைந்த பட்சம் வருஷத்துக்கு ஒரே ஒரு முறையாவது போய் அவங்களுக்கு சந்தோஷம் தந்து உங்க நிம்மதிய கூட்டிக்குங்க... இப்டி விடுதியோ, அநாத ஆஸ்ரமமோ தேட முடியாது / எங்ல ஏரியாவுல இல்லன்னு சொல்றவங்க ஏழ புள்ளங்களுக்கு கல்வி அறிவ கொடுக்க உதவி பன்னுங்க,, பணம் தரலேன்னாலும் ஓய்வு நேரத்துல பாடம் சொல்லி கொடுத்தா கூட போதும்..

அறியாமைய போக்கவும், அன்ப போதிக்கவும் நம்மாளான முயற்சிகள எடுக்கலாம். நாம ஒரு பைசா கூட செலவு செய்யாம நம்ம உடலுழைப்பாலே நாலு பேருக்கு உதவலாம். ஒரு பைசா நமக்கோ, நண்பர்களுக்கோ பிரயோஜனப்படாத, யார் யாருக்கோ கருப்பு பனமா போய் சேர கூடிய பல விஷயங்கள பத்தி வெட்டியா பேசி பொழுத கழிக்கற நேரம், கொஞ்சம் ஆக்க பூர்வமா கருனையோடு செயல் பட்டா, நாளய இந்தியா, நிச்சயம் வல்லரசா மாறலேன்னாலும் மனிதர்களும், மனிதமும் நிறைந்ததா மாறும்... என்றும் உலகளவில் உன்னதமான இடம் பிடிக்கும்.... அதுக்கான மொத அடிய நீங்க ஒவ்வொருவரும் எடுத்து வச்சீங்கன்னா.. மெய்யாலுமே “நீங்களும் ஹீரோதான்”.

ஆகிடுவீங்கள்ல?

பொன்னு வெளஞ்ச பூமி..!

2010-01-18T20:08:00.000+05:30

வணக்கம் நன்பர்களே.. எல்லாரும் நல்லா ஜாலியா கரும்பெல்லாம் கடிச்சு, பொங்கலெல்லாம் குடிச்சு (நிறய தங்கமனி பொங்கல் வச்சா அப்டிதான் இருக்கும்னு ஒரு கேள்வி ஞானம்தான்) பொங்கல கொண்டாடியிருப்பீங்க. இலவச வேட்டி, சேலை, ரேஷன்ல பொங்கல் மஞ்சப்பை கொடுத்ததுலாம் போய் இப்ப நாட்டுலருக்கற ஏழைக்கெல்லாம் இலவசமா கான்க்ரீட் வீட்டயே கட்டித்தர போறாங்களாம் கேள்விப்பட்டீங்களா? இவ்வளவு நடந்தும் இன்னும் ஒரு பய பாராட்டு விழா நடத்த தேதி கேட்டு வரலியே..? ம்ம்.. என்ன செய்யறது? சோற்றாலடித்த பிண்டம் தமிழண்ட்ட என்னத்த எதிர்பாக்கறது? “அட, ஏன் தலைவரே, இவனுவளுக்கு இவ்வளவு செலவு? எலக்‌ஷன் டயத்துல எதயாவது உட்டு கடாசுனா ஓட்ட குத்து குத்துனு குத்த மாட்டானா இந்த மறத்தமிழன்”னு மந்திரியா இருக்கறவன், மந்திரிக்கு மவனா பொறந்தவன்லாம் டீலா/நோ டீலா?ங்கற மாதிரி கேள்வி மேல கேள்வியா கேட்டாலும் ஓய்வறியா உலகன், ஒத்த உண்னாவிரததுல உலகமைதி ஏற்படுத்தன மாமன்னன் உளியோட ஓசையா இந்த திட்டத்த ‘டனால்’னு (ஆமா, உளியோட ஓசை “புஸ்ஸுல்ல?!!”) அறிவிச்சு கட்சி காண்ட்ராக்டரெல்லாம் புல்லரிக்க வச்சுட்டாரு.. சரி அது கிடக்கட்டும், அதுக்குனு நேரம் வரும் போது பாக்கலாம்...

நாட்டுல அரசு ஊழியர்கள், சுய தொழில் செய்யுறவங்க மற்றும் தனியார் ஊழியர்கள்னு மூனே பிரிவுதான் (கூலிகள்/அன்னாடங்காய்ச்சிகள், தொழில் அதிபர்கள் அரசியல்வாதிகள் இதுல இல்ல). இதுல அரசு ஊழியர்களுக்கு சமீபத்துல அடிச்ச ஜாக்பாட்ல (பொது மக்கள் அப்டித்தான் சொல்றாங்க) கனிசமான பேரு முதலீடு செஞ்ச இடம் எது தெரியுமா? நிலம்தான். ஏன்னா சொற்ப இடம்னாலும் சொந்த இடமா இருக்கனுமாம். (ங்கொய்யால எவண்டா சொன்னது?) கட்டிங்க கரெக்டிங்கா போடற ஆளுங்க நடமாடற டாஸ்மாக்ல சம்பள உயர்வ கொண்டாட போனா அங்கயும் உற்ற தோழன், “நம்ம மாடசாமி முக்கா கிரவுண்ட் வாங்கிட்டானாம் தெரியுமா?னு” காலி வயித்துல கட்டிங் ஊத்துனா மாதிரி உசுப்பி வுடுவான்.. அட நாமளும் எதாவது ஒரு பிளாட்டோ இல்ல அடுக்கு மாடி குடியிருப்புல ஒரு வீடோ வாங்கி போட்டா பின்னாடி நிம்மதியாயிருக்கலாமேனு வூட்ல போய் படுப்போம், இது எப்டித்தான் அந்த புரோக்கருக்கு தெரியுமோ காலைல டான்னு ஏழு மணிக்கெல்லாம், “வணக்கம்ணே, நம்ம வூட்டாண்டயே 30X60ல ஒரு இடம சீப்பா வருதுன்னே, வாங்கிப்போட்டா மூனே வருஷத்துல போட்ட காசு டபுள் ஆயிடும்னே”னு அடி வயித்துலருந்து ஆசைய எழுப்புவான்.. அது எப்டி மூனு வருஷத்துல டபுள் ஆவுன்னு நாம ஆனு வாயத் தொறந்து யோசிச்சிட்டிருக்கும் போதே, வேளைக்கு மூனு லிட்டர் கறக்கும்னு சொல்லி, காள மாட்ட கடவாப் பல்லுல கட்டிட்டு பூடுவானுவ... இப்பத்தான் சனி உங்கள மூனாவது வீட்லருந்து முறைச்சி பாக்க ஆரம்பிப்பான்..

இது என்னாடாது? அசையா சொத்தா வாங்கிப் போடலாம்னா டபுள், ட்ரிபிள்னு புதுக்கரடி மேய்க்கறானே புரோக்கர்!?. சரி யாராவது விஷயம் தெரிஞ்ச ப்ரண்டுட்ட கேக்கலாம்னு போனா அவனுங்க, “என்னது? நீ இன்னும் ஒரு கிரவுண்ட் கூட வாங்கலியான்னு?” என்னமோ ஏற்கனவே மைசூர் பேலஸ்ஸ மாமனாரோட ஷேர் போட்டு வாங்குன ரேஞ்சுக்கு நக்கல் உடறானுங்க.. நம்ம மாமனார், மச்சான், சகலன் மாதிரி சொந்தக்காரங்க கிட்ட கன்சல்ட் பன்னா (என்னது? அப்பா, அண்னன், தம்பி கிட்டயா? கேக்கலாம் தான். ஆனா ஐடியா மட்டும் தான் கிடைக்கும் தம்பிடி கிடைக்காது. ஓகேவா?) கிடைக்கற சப்போர்ட் இருக்கே.. அடடா ஒத்தயாவே குதுப்மினார தூக்கிட்டு தெலுங்கானாவ ரெண்டு ரவுண்டு வர அளவுக்கிருக்கும்...

அப்புறமென்ன? அடுத்த கட்ட வேலய ஜரூரா ஆரம்பிக்க வேண்டியதுதான். எடைக்கு வாங்குன பேப்பர்லருந்து எட்டனா குடுத்து வாங்குன பேப்பர் வரைக்கும் எங்கலாம் இடம் விக்கறாங்க, என்ன விலை, ஆஃபர் எதுனாருக்கா (அதாங்க, தங்க காசு, வெள்ளி குத்து விளக்கு, பத்திர பதிவு இலவசம், சைட் பாக்க போய் வர டாக்ஸி இலவசம் இத்யாதிலாம்) மாதிரி விளம்பரங்கள ப்ரூப் ரீடர விட அதிகமா, சாதா கண்ண பூதகண்ணா மாத்தி தேடனதுல ஹரி ஓம்னு மொத லாவம் பாக்கறது கண் டாக்டர்தான்.

இந்த இடத்துல பாருங்க, போன பாரா வரைக்கும் மாதவன் ரேஞ்சுக்கு இருந்த ஆசாமிலாம் இப்ப மிடில் கிளாஸ் மாதவனா மாறியிருப்பாங்க.. போன வாரம் வரைக்கும் சண்டேன்னா ரெண்டுனு(ச்சீய்!?) இருந்த குடும்ப வாழ்க்கைல அடுத்ததா மன் வுழும், ஏன்னா அன்னிக்குத்தான் சைட் பாக்க போனும்.. அவனுங்க வண்டிலதான் சைட் பாக்க போறோன்னாலும் அந்த தூரம் இருக்கே அடடா என்ன சொல்றது? மரகத லிங்கத்த திருடுனவன் கூட அத பதுக்க இவ்வளவு தூரம் அலைஞ்சிருக்க மாட்டான் போங்க.. எதோ ஒரு இடத்துல வண்டி நிக்க, கீழே இறங்கி பாத்தா அடுத்த அதிர்ச்சி! எப்பவோ பள்ளிக்கூட பாடத்துல படிச்ச பள்ளத்தாக்கு மாதிரி ஒரு இடம். இந்த இடமா பிளாட்டு? சேச்சே, ட்ரைவர் எல்லாரும் ஒன்னுக்கிருக்க நிறுத்தியிருக்கார் போலன்னு நமக்கு நாமே மனச தேத்திக்கும் போது, பொக்ரான்ல போட்டது போவ மீதியிருக்கற குண்டுல ஒன்ன போடுவார் புரோக்கர், “இதுதான் நீங்க எல்லாரும் வாங்கப் போற “அற்புதமான’ இடம் நல்லா பாத்துக்குங்க”.?? அவ்ளோதாங்க வேன்ல வந்த முப்பத்துமூனு பேர்ல முப்பது பேர் “முன்னாடி இருக்கறது எனக்கு, முக்குல தொங்கறது உனக்குனு” அம்மோனியா ப்ரிண்ட்லயே பங்கு பிரிக்க ஆரம்பிச்சுடுவானுங்க... இதென்னடாது பள்ளத்த பங்கு பிரிக்க இப்டி அடிச்சிக்கிறானுங்கன்னு, “ஏண்டாப்பா, இவ்ளோ பெரிய பள்ளத்த வாங்க இப்டி போட்டா போட்டி போடறீங்களே, மழை காலத்துல என்ன பன்னுவீங்க?னு கேட்டா, ஒருத்தன் சொல்றான், “நாங்கெல்லாம் ரோடு மட்டத்த விட மூனு அடி உயரமாத்தான் வீடு கட்டுவோம், தண்ணி உள்ள வராது”, சரிடா, தண்ணி உள்ள வராது, ஆனா, நீ வெளிய வரனுமே அதுக்கு என்ன பன்னுவ? “அதெல்லாம் மழை பேஞ்சா பாப்போம்” , என்ன எழவுடா இது? நாம லூஸா? இல்ல இவனுவ எல்லாரும் லூஸானு? கொழப்பத்துல ஒரு முடிவுக்கு வர முடியாம வழக்கம்போல ஃபைல ஹோம் மினிஸ்டர்ட்ட(தங்கமனி) அனுப்புனா, ரெண்டு காதும் ரொம்பி, சட்டப்பை, பேண்ட்பை அப்புறம் கைல வச்சுருக்கற மஞ்சப்பை வழியற வரை அர்ச்சனை பன்னிட்டு அதுக்கப்புறமும் “ஹய்யோ, வெவரம் இல்லாத ஆள்கிட்ட எங்கப்பாவும் நானும் இப்டி தெரியாம வந்து மாட்டிக்கிட்டோமேன்னு” மூக்க சிந்தி நம்ம முழுக்கை சட்டைல தொடச்சி, தெயவ மச்சான தொனக்கி அனுப்பி (தனியா போனா வெவரம் பத்தாதாம்..!) பணம் கட்டிட்டு வர சொல்லுவாங்க..

பார்த்திபன், வடிவேலுவ சாட்சி கையெழுத்துக்கு கூட்டிட்டு போற மாதிரி நம்ம தெ.மச்சான் சைட் ஆபீசுக்கு கூட்டிட்டு போவான். கோழி திருடுறவன் ஈர கோனியோட தயாரா இருக்கறா மாதிரி, சைட் ஆபீசுல புரொக்கரும், ஓனரும் ரெடியா இருப்பாங்க.. பணம் கை மாறுனதும், “அமாவசைக்கு ரெஜிஸ்ட்ரேஷன் வச்சிக்கலாம் தம்பி”னு சொல்லி எலுமிச்சை சூஸ் குடுத்து, கிருதா டூ கிருதா சிரிச்சி வழியனுப்புவாங்க..

அப்பாடா நாமளும் ஒரு இடத்த கிட்டத்தட்ட வாங்கியாச்சு, அமாவாசை என்னிக்குனு காலண்டர கிழிச்சி காத்துக்கிட்டிருக்கும் போதுதான் தரித்திரம் தபால்ல வந்தா இடி ஏரோப்ளேன்ல வருமான்ற மாதிரி புரோக்கரும், ஓனரும் ஒரேடியா தலை மறைவாகிட்ட விஷயம் டிவில ஓடும். அடப்பாவிகளா!, இதே டிவில தாண்டா ஒரு கை மண்னுண்னாலும் இவண்ட்ட தான் வாங்கனும்னு வழுக்க தலயன வச்சி விளம்பரமா கொடுத்தீங்க? (மண்னு வாங்க சொல்லி பல பேர் வாழ்க்கைல மண்னள்ளி போட்டவர் இப்ப கம்பி வாங்க சொல்றார் மக்களே மைண்ட்ல வச்சுக்குங்க!) இப்ப யாரோ மாதிரி செய்தி போடறீங்களே? உங்களுக்கு அப்பவே தெரியாதா? விளம்பர காசெல்லாம் வாங்கிட்டீங்களாடா? இப்ப என்னடா செய்றது? நகையெல்லாம் வேற வித்தாச்சு..?!!!! டிவிய பாத்தா சொறி, சிரங்கு படைய தவிர அத்தன படையும் அவனுவள தீவிரமா தேடறதா பக்கத்தூட்டு ஆயா மாதிரி இருக்கற ஒரு பொம்பள பேட்டி கொடுக்குது. ஏம்மா உன்னா பாத்தாலே பாவமா இருக்கு.. நெசமாலுமே நீ அவனுவள கண்டு பிடிச்சுடுவியா? அப்டியே பிடிச்சாலும் எங்க காசெல்லாம் திரும்ப கிடைக்குமா? அய்யோ பணம் போச்சே... யார் கிட்ட கேக்கறது?

மறுபடியும் தங்கமனி அர்ச்சனையோட மூ/சிந்தி மு.சட்டைல தொடச்சி மீண்டும் தெ.மச்சானை கூட அனுப்புவாங்க சைட் ஆபீசுக்கு. அத்த பொண்னு மாதிரி அன்பா சிரிச்சி, மாமன் பொண்னு மாதிரி முறையா சூஸ்லாம் கொடுத்து கவனிச்சு அனுப்புன சைட் ஆபீஸ்ல இப்ப சைனா பூட்டுதான் நம்மள வரவேற்கும். ஆனா, ஒரே ஆறுதல் என்னன்னா, நம்மள மாதிரியெ நெறய இனா வானாங்க மலங்க மலங்க, எந்த டிவில பேட்டி எடுப்பாங்களோன்னு முழிச்சிக்கிட்டு நிக்கறதுதான்... ஒரு வழியா கைல இருக்கற சேவல் மார்க் ஃபைல்லேருந்து ஜெராக்ஸ் காப்பிய வச்சி கம்ப்ளெய்ண்ட் கொடுத்துட்டு வீட்டுக்கு போவ வேண்டியதுதான்..

ஆச்சி இன்னியோட ஆறு மாசம். ஒரு தகவலும் இல்ல. இப்பல்லாம் சண்டேனா நாலு! (இப்ப ச்சீய் இல்ல, சேச்சே?! காசு போன சோகத்துல கட்டிங்தான்!)

என்னங்க வீடு புகுந்து, ஓட்ட பிரிச்சி, பீரோவ ஒடச்சி திருடுனாத்தான் திருட்டா? இந்த மாதிரி ஏமாத்தி பொழக்கிறதுக்கு பேரும் திருட்டுதாங்க.. என்னா நாட்டுல நாலஞ்சு பேரு திருடனா உலாத்துனா, இவனுக பல பேர்ல நாடெங்கும் பரவி கெடக்கானுக.. நாம திருடன விட இவனுங்க கிட்ட தான் அதிக எச்சரிக்கையா இருக்கனும்.. திருட்டு ஒரு நாட்டோட பொருளாதாரத்த பாதிச்சுதுனா, விவசாய பூமிய இந்த மாதிரி திருடறது, எந்த நாடாருந்தாலும், அதோட முதுகெலும்பையே உடைக்கிறதுக்கு சமம். தயவு செய்து அத எல்லாரும் நல்லா புரிஞ்சுக்குங்க...

நல்ல வேளை நாங்கெல்லாம் இந்த மாதிரி மோசடிலேருந்து தப்பிச்சிட்டோம், நாங்க வாங்குன இடம் பத்திர பதிவெல்லாம் நல்ல படியா முடிஞ்சுடுச்சுனு நெனக்கறீங்களா? அங்கதான் நீங்க தப்பு பன்றீங்க. ஆமாங்க இன்னிய தேதிக்கு இந்த புண்ணிய பூமில இருக்கற விவசாய நிலம், பொறம்போக்குல்லாம் அவன், இவன்னு அடயாளம் காட்ட முடியாத ஆளெல்லாம் கட்டம் கட்டி சகட்டு மேனிக்கு வித்துக்கிட்டு இருக்கானுங்க. இப்டி விவசாய நிலத்த மொத்தமா அழிச்சி நம்ம தாய் நாட்டுக்கு மாபெரும் உணவுப் பஞ்சத்த எதிர் காலத்துல நிச்சயமா உருவாக்கறதுக்கு தீவிரமா ஈடுபட்டுக்கிட்டுருக்கற ஒரு கும்பலுக்கு, அவங்க வித்த இடத்த வாங்குனதால நீங்களும் மறைமுக உதவியாளரா ஆயிடறீங்க..

இப்ப ஹெய்டி(HAITI)ல நடந்த பூகம்பத்த பாத்தீங்களா? அதுல அந்நாட்டு அதிபரே, மாளிகை இடிஞ்சு தெருவுல நின்னாரு.. அதனால எல்லாரும் அவிங்க வாங்குனாங்க, இவுக விக்கறாங்கன்னு வூட்ல இருக்கற நகை நட்டெல்லாம் வித்து, சொத்து வாங்கறதா நெனச்சி தவறுகளுக்கு துனை போகாதிங்க, நிம்மதிய தொலச்சி தெருவுல நிக்காதீங்க. “உண்ன உணவு, உடுக்க உடை, இருக்க இடம்னு” கடைசியாத்தான் இடம் வருது.. இன்னும் நம்ம இந்தியாவுல தெருவுலேயே பொறந்து, குடும்பம் நடத்தி. செத்து போற சணம் கோடியிருக்கு தெரியுமா? அதுக்காக என் காசுல நான் வாங்குறத நிறுத்த முடியுமான்னு கேக்காதிங்க.. அவசரப்படாதீங்கன்னுதான் சொல்றேன். ஏன்னா உங்க அவசரம்தான் (அப்டி அவசரம் இல்லன்னாலும் அவங்க உங்கள தூண்டுவாங்க) மோசடி கும்பலோட துருப்பு சீட்டு. எங்கயாது வெளியூர் போனா பாருங்க, ரோட்டுக்கு ரெண்டு பக்கமும் என்ன இருக்குன்னு.. அநேக இடங்கள் திடீர் நகரா மாறியிருக்கும்.. இப்டி எல்லா இடத்தையும் நகரா மாத்தி பூமிய கான்க்ரீட் காடா மாத்தற போட்டியில நம்ம பங்கு இல்லாம இருக்கலாமே? ஏன்னா நாம் இப்ப தெருவுல இல்ல, நமக்கு எதோ ஒரு இடம் நிச்சயமா இருக்கு ஒண்டிக்க..! அவசரப்படாம நிதானமா இருந்தா அவங்கவங்களுக்கு தேவையான அழகான வீடு தானா கிடைக்கும். தோழர்களே... தாய் நாட்ட காக்கற ஒரு நல்ல விஷயம் நம்ம கிட்டேயிருந்து ஆரம்பிக்கட்டுமே... இந்த பொன்னு வெளஞ்ச பூமித்தாய காப்பாத்தற முயற்சில உங்க பங்கும் இருக்கறது சந்தோஷமான விஷயம்தானே? இந்த பதிவுல சொன்ன விஷயத்துல உங்களுக்கு உடன் பாடு இருந்தா, நல்லா தெரிஞ்ச நாலு பேர்ட்ட எடுத்து சொல்லுங்க.. சொல்லுவீங்கன்னு எதிர் பாக்கலாமா?

ஹைஸ்பீட் கந்தசாமி...(இவன் முட்டி ஒடஞ்சாத்தான் ஓய்வான்!)

2010-01-01T15:34:00.000+05:30

என்ன மச்சான்ஸ் (ச்சே ஒரே நமீதா ஞாபகமாவே இருக்கு!) எல்லாரும் நல்லாருக்கீங்களா? புது வருஷம் பொறந்தாச்சு.. நல்லா ஜாலியா இருங்க.. ஆனா ஜாக்கிரதையா இருங்க. என்ன ஓகேவா? (நம்ப சொல்லி யாரு கேக்கப்போறா?) சரி சரி ரோட்ல போம்போது ஜாக்ரதையா போங்க, போனும், ஏன்னா, நடந்து போனா கூட, புல்லட் மாதிரி வேகமா பைக்ல நம்மள ஓவர்டேக் பன்னி போவானுவ சன் ஆஃப் கன்னுங்க. அவனுக எப்டியாவது போறானுங்க நமக்கென்னன்னு போலாம்னா, போற பைக்க இப்டி கொஞ்சம் அப்டி கொஞ்சம்னு வளச்சு, நெளிச்சு பல பிரச்சனைகளால நெஞ்சம் கலங்கியிருக்கற நம்மள உடனே 108 கூப்புடற ரேஞ்சுக்கு ரெடியாக்கிடுவானுவ காண்டம்க்கு தப்புனவனுங்க..

இவனுக பைக்ல பெட்ரோலா ரோட்ல ஓடறது அப்பனாத்தா கொஞ்சமா வேலை செஞ்சு லஞ்சமா வாங்குன காசு. இது அந்த குடும்பத்தோட ஒழிஞ்சா பரவால்ல, பைக்க கன்னா பின்னானு ஓட்டி சோத்துக்கு வழியில்லாத, சூவ மறைக்க கூட துனியில்லாத எத்தனயோ ஏழை ஜனங்களோட இடுப்பெலும்பல்ல உடைக்கறானுங்க.. பத்து ரூவாய்க்கி மூனு ஜட்டிங்கற மாதிரி ரெண்டு லட்ச ரூவாய்க்கி ஒரு செட் முட்டி மாத்தறானுங்க இப்ப.. யாருகிட்ட பணமிருக்கு? இதெல்லாம் அந்த பைக்க ஓட்டற ’மஷ்ரூம்’ மண்டையனுக்கு (நெறய பேரு அப்படித்தான் தலய வச்சிருக்கானுங்க) தெரியுமா?

இந்த விஷயத்துல பைக்க வச்சு வீலிங், ரோலிங் அப்டின்னு ஃப்லிம் காட்டற பயபுள்ளக்கெல்லாம் அப்டி காட்டறப்ப அடி பட்டுச்சுன்னா வர்ற ஃபீலிங் ரொம்ப கோரமா இருக்கும்னு தெரியல....

இப்டிலாம் சீன் போட்டாத்தான் பிகர் மடியும்னு ஒரு தப்புக்கணக்கு வேற..(ஏதோ ஒன்னு ரெண்டு முட்டாள் இருக்குது) ஆனா உண்மை என்னனா ஒரு தடவ கீழே விழுந்து எலும்பு துண்டானா, அதுக்கப்புறம் பிகரோட லுக்கு டண்டனக்காதான். (எவ அவ நொண்டியோட டாண்டியா ஆடறது?) எலே இந்த பைக்க வச்சிக்கிட்டு படுத்து ஏந்திரிக்கற புள்ளங்களா ஒன்னு நல்லா தெரிஞ்சுக்கங்க.. அதாவது.. ஒரு தடவை முட்டி ஒடஞ்சுதுனா சாவற வரைக்கும் கட்டிலோ இல்ல கட்டாந்தரையோ கீழ தான் படுக்கனும்... நல்லா புரிஞ்சுக்குங்க. (இந்த சூழ்நிலயில கல்யானம் ஆச்சுன்னா மலையாள பகவதிதான் வாரிச உருவாக்க மனசு வைக்கனும்)

கவருமெண்ட்டு எதப்பத்தியும் கண்டுக்காம 150சிசி, 200சிசி, 250சிசி, 500சிசின்னு எல்லா பைக் தயாரிக்கும் கம்பெனிகளுக்கும் முக்கியமான பேப்பர கரெக்டா வாங்கிக்கிட்டு ரைட் ரைட்டுனு பச்சக்கொடி ஆட்டிடுது.. ஆனா அத ஓட்டறதுக்கு ரோடு வேனுங்கறத டாக்ஸ் வாங்கனதுக்கப்புறம் அடியோட மறந்துடுது.. யாராரோ பெத்த பொன்னுங்கெல்லாம் இவனுகள சீண்ட, பயலுவ பைக் ஆக்சிலேட்டர தீண்ட முடிவுல ரோட்ல போனவனோ/ளோ இல்ல பைக்ல போனவனோ 108 ல வொய்ங் வொய்ங் வொய்ங்னு போவானுங்க..

இதுல இந்த பசங்கள மட்டும் குத்தம் சொல்லி பயனில்ல.. ஏன்னா நம்ம நாட்டுல ஓட்டிக்காட்டாத வண்டிக்கு லைஸென்ஸ் வாங்கி, இல்லாத ரோட்டுக்கு சாலை வரி கட்டி நாமெல்லாம் ஆடி பள்ளு பாடிக்கிட்டிருக்கோம்.. காந்தி படம் இருக்கற நோட்ல கொஞ்சம் கொடுத்தா லைஸென்ஸும், அவர் நல்லா சிரிக்கற மாதிரியான நோட்ல கூட கொஞ்சமும் கொடுத்தா ஹெவி லைஸென்ஸும் கிடைக்கற திருநாட்டின் கறைமகன்கள் நாம்...

ஆனாலும் மவன் கேட்டான்னு 200சிசி பைக்க அனாயசமா வாங்கி தர்ற தகப்பன்மாருக்கெல்லாம் ரெண்டாவது வாரிசு இருந்தாத்தான் குடும்பம் தழைத்தோங்குங்கற விஷயம் புரிய மாட்டேங்குது ஏன்னா சாலை வசதில கட்டக்கடேசில இருக்க நாம சாலை விபத்துல முதல் பத்து இடத்துல இருக்கோம்.. இதுல நாட்டுலயே முதல் முதலா உறுப்பு தானம் செஞ்சவரோட பெற்றோர்னு பெத்த பேரு வேற.... நாட்ல அவனவனுக்கு கல்யானம் ஆவறதே பெரிய விஷயமா இருக்கு.. அதுக்கப்புறம் எத்தனயோ கடும் முயற்சிக்குப்பின் திருவினையா பொறக்கற புள்ளய கிட்னி பாதி ஹார்ட் மீதினு தானம் பன்னனும்னா எவ்ளோ கஷ்டம்?

பைக்க வாங்கி கொடுத்த அப்பன்லாம் புள்ளக்கி கூடவே ஒரு செல்லும், பொண்ணுக்கு ஸ்கூட்டி வாங்கி கொடுத்த டாடிலாம் ஒரு செல்லும் வாங்கி தராங்க...இந்த மூனு மாமாங்க (ரெண்டு அப்பன்+செல்கம்பெனி) பன்ற சேட்டைல பயலுவ முக்காவாசி நேரம் மெஸேஜும், காவாசி நேரத்த போன கழுத்துக்கு பக்கத்துலயுமா செலவு பன்றாங்க, வண்டி ஓட்டும் போதும்.. இதனால பென்ஷன் வாங்குன காசுல பேரனுக்கு பர்த்டே ஃபங்க்‌ஷன் வைக்க கடத்தெருவுக்கு வர்ற பெரிசெல்லாம் பெரியாஸ்பத்திரி மார்ச்சுவரில இடம் புடிக்கற சம்பவம்லாம் சகஜமா நடக்குது.

இது மட்டுமா? தல ரேஸ் பைக் ஓட்டுறாரு, இளைய பதி மெக்கானிக்கா கலக்குறாரு அப்படின்னு செல்லூலாய்டும், பத்திரிக்கையும் கர கரன்னு விடற ரீல நம்பி கெட்டவங்க எக்கச்சக்கம்... வாழ்க்கையில மனித உடலோட முக்கிய பாகமான முதுகெலும்போட முக்கிய பங்கு தெரியாம சர்ரு புர்ருனு டூவீலர் வண்டிய ஓட்டி, அப்புறம் மிச்ச வாழ்க்கைய ஃபோர் வீலர்ல கழிக்கற சூழ்நிலைய உருவாக்குன சாகசகாரங்கதான் நம்ம பயலுவ...

நிலாப்பள்ளத்த நினைவு படுத்தற அட்டகாச சாலையெல்லாம் நம்மூர்ல குறுக்கும் நெடுக்குமா படுத்து கிடக்க, ஷோரூம்லயும், விட்டா வீட்டு ஷெட்லயும் ஸ்டாண்ட் மட்டுமே போட்டு நிறுத்தற வண்டிகளெல்லாம் சுலபமா நம்ம தலைல EMI-ல கம்பெனிக்காரன் கட்ட, அந்த வண்டியெல்லாம் ஓட்ட முடியாத ஒரு ஓரமா நிறுத்தி அழகு மட்டும்தான் பாக்கலாங்கறது நம்மோட கூடுதல் அதிர்ஷ்டம்.!

மஞ்சப்பைய எடுத்துக்கிட்டு மார்க்கெட் போய் காய்கறி வாங்கிட்டு வரலாம்னு கிளம்புனா, நடக்கறவன், நாலனாவண்டி ஒட்டறவன், ஆபீசுக்கு போறவன் அப்புறம் திருவாளர் பொதுஜனம்லாம் இதெ ரோட்லதான் போவாங்கன்றதயே மறந்துட்டு, எவனப்பத்தியும் கவலைப்படாம பைக்ல விர்ர்ர்ரூம்ம்ம்ம்ம்ம்னு ரோட்ல பறக்கற முட்டாளுக்கு மூத்தவனையெல்லாம் என்ன செய்யறது? நமக்குதான் காய்கறியோட வீட்டுக்கு வருவமா இல்ல அந்த காய்கறி நமக்கே திதி கொடுக்க பயன்படுமான்னு தெரியாம பயந்துக்கிட்டே விதுக் விதுக்னு நடக்க வேண்டியிருக்குது...

’ஜட்டி பட்டி’ வெளில தெரியற மாதிரி (ஆம்பள பொம்பள ரெண்டு பேரும்தான்) பைக்ல இவனுங்க க்ரீச்னு போம்போது திவாரி ரேஞ்சுல இருக்கற பெரிசுக்கெல்லாம் (இளசுக்கும்தான்..!) நெஞ்சடைக்க (வயசான காலத்துல இதான் அடைக்கும்... ஆனா திவாரி மட்டும் கரெக்டா அடைப்ப எடுத்துட்டார்னு டிவி, பேப்பர்லலாம் ஓன்னு அலறுனாங்க...!) அப்புறம் மஞ்ச துண்டு (அது பேரு துண்டுதானே?) மாமனிதர் கலைஞரின் காப்பீட்டு திட்டம்தான் காப்பாத்தனும்...

இந்த மாதிரி பைக்க ஓட்டற அன்புத் தம்பிகளுக்கு நான் சொல்றது என்னன்னா இதோ இந்த படத்த பாருங்க இந்த தம்பி எவ்வளவு சாமான் செட்ட போட்டுக்கிட்டு ஜாக்ரதையா வண்டி ஓட்டறாரு? ஆனா அதே பைக்க எந்த வித பாதுகாப்பு உபகரனங்களும் இல்லாம எல்லாரும் பயனம் செய்ற சாதாரண சாலையில கடும் வேகத்துல ஓட்டிட்டு போறது சரியா? இதனால பைக்க ஓட்டற உங்களுக்கு மட்டுமல்ல எவ்வளவோ வேலைகளுக்காக சாலைக்கு வர்ற எண்ணற்ற மக்களும்தான் தேவையில்லாம மிக கடுமையா பாதிக்கப்படுறாங்க. பைக்க தயாரிக்கும் கம்பெனிகளுக்கு பைக் விக்கறது மட்டும்தான் குறிக்கோள். அதனால மிக பிரமாண்டமா இதுல அது இருக்கு அப்புறம் அந்த இது இருக்குனு ரெட்ட காதுலயும் ரிப்பன் கட்டி ரிங்கா ரிங்கா ரோய்னு பூவ சொருவி ஏமாத்தி வித்துருவானுவ. எப்பவுமே பொதுஜனங்கள பத்தி கவலைப்படாத மிக அருமையான அரசாங்கம் நமக்கு கிடைச்சிருக்கு, எந்தக்கவலையும் இல்லாத இளமையில உங்களுக்கு தேவைக்கு அதிகமான சக்தி கொண்ட பைக் கிடைச்சிருக்கு ரெண்டாலயும் எல்லாருக்கும் தொந்தரவுதான்... இண்டர்நெட், டிவி, சினிமா இன்னும் பலப்பல தொடர்பு சாதனங்களால் ஈஸியா அந்த மாடல் இந்த மாடல்னு பைக் பித்து பிடிச்சு அலையாம போக்குவரத்துக்கு தேவையான குறைந்த பட்ச அளவிளான இரு சக்கர வாகனங்களை உபயோகிக்க தொடங்குங்கள். முடிந்தால் சைக்கிள் பயன் படுத்துங்கள், உடலுக்கும் நல்லது, நாட்டுக்கும் நல்லது. உங்களை பெற்றவர்களும், மற்றவர்களும் நிம்மதியாக இருப்பார்கள்.

இவ்ளோ நேரம் நீங்க பொறுமையா படிச்ச இந்த விஷயத்த பத்தி என்ன நினைக்கறீங்க? இது சம்மந்தமா அவங்கவங்க லெவல்ல எந்த அளவுக்கு இளய சமுதாயத்துக்கு விழிப்புணர்வு ஏற்படுத்த முடியுமோ அந்தளவுக்கு முயற்சி செய்யுங்க. குறைந்த பட்சம் உங்க வீட்லயாவது..... ரோட்ல ஓடற ஒரு அம்பது பைக்காவது திருந்துனா கொஞ்சம் நிம்மதியா பயம் இல்லாம நடக்கலாம் இல்லியா தோழர்களே?

பாத்ரூ(ம்)பூதம் (டாக்டர் இல்லங்க) (A)

2009-12-20T22:12:00.001+05:30

மாத்ருபூதம் கேள்விப்பட்டிருப்பீங்க.. அதென்ன ”பாத்ரூம்பூதம்?” இவரும் அவர மாதிரியே “அந்த” டாக்டரோ? பேர் வித்தியாசமா இருக்கே? ஒரு வேளை “அந்த” டாக்டருங்கறாதல “அடையாள”ப்பேரா இருக்குமோ? அடையாளமா இருந்தாலும் பாத்ரூமுக்கு என்ன சம்மந்தம்? என்னங்க ...? பேச்சிலர் பாத்ரூமா? ஒஹோ ...இருந்தாலும் இப்படியெல்லாமா பேர வச்சிப்பாங்க? என்ன இப்படியெல்லாம் பலரும் பல விதமா மண்டைய உடைச்சிக்கிட்டிருக்கீங்களா? நீங்க நினைக்கற மாதிரி எதுவும் இல்லங்க.. நம்ம ஃப்ரெண்டொட 2 வயசு பொண்னு வீட்டுக்கு வந்திருந்தப்போ இருட்டுல பாத்ரூம் போக பயந்துக்கிட்டு “பாத்ரூம்ல பூதம்”னு மழலையில சொன்னதுதாங்க இது.. முதல்ல நானும் உங்கள மாதிரிதாங்க குழம்புனேன், அப்புறம்தான் புரிஞ்சுது..

அதுக்கும் இந்த பதிவுக்கும் என்ன சம்மந்தம்?

இருக்கு.. சொல்றேன்..கேளுங்க...(என்னப்பா நம்ம ட்ரூப்ல எல்லாரும் ரெடியா? “ரெடி சார்..” அப்ப ஒன்.. டூ.. த்ரீ.. ஸ்டார்ட்..)

அதாவதுங்க நம்ம நாட்டுலே படிச்சவன், படிக்காதவன்(படம் இல்லப்பா), பாமரன் இன்னும் பல பேர் இந்த விஷயத்துலே தெளிவான அறிவில்லாமத்தான் இருக்காங்க.. எந்த விஷயத்துல? அதாங்க “அந்த” விஷயத்துல..

“யோவ் தெளிவு இல்லாமலா நாம உலத்துலயே ரெண்டாவது இடத்துல இருக்கோம்?”

ரெண்டாவது இடத்துக்கு வரக்காரணமே தெளிவு இல்லாததுதான்..புரியுதா..? சித்த நாழி சு(ழிய) வச்சிட்டு சும்மா இருக்கியாடா தம்பி? எல்லா ஊர்லயும் மூத்திர சந்துல பத்திரமா ஒளிஞ்சுக்கிட்டு ஓஹோன்னு யாவாரம் பாத்துக்கிட்டு இருக்கற டாக்டர்களயும் அவங்க பக்கம் பக்கமா கொடுக்கிற விளம்பரத்த பாத்து, அக்கம் பக்கம் யாருக்கும் தெரியாம, களத்து மேட்ல குத்த வச்சவன்லேருந்து, ஃபில்டர் சிகரெட் பத்த வைக்கறவன் வரைக்கும், செட்டியார்ட்டயோ, சேட்டுக்கிட்டயோ சொத்த வச்சிட்டு மொத்தமா ஏமாந்த கதையையும்தான் நாம இப்ப பாக்கப்போறோம்..

உங்களுக்கு தெரியுமா? இந்த விஷயத்துக்காக உலகெங்கும் ஒர் ஆண்டுக்கு மனிதர்கள் செலவழிக்கும் தொகை எவ்வளவென்று? (டாக்டருக்கும், மருந்துக்கும்(மற்ற செலவுகள் சேர்க்காமல்) சில ஆயிரம் கோடிகள்... வாயப்பொளக்காதீங்க... பதிவு கொஞ்சம் சென்சிடிவ் மேட்டர்ங்கறாதல எதாவது அசம்பாவிதம் நடந்தா நான் பொருப்பல்ல....

டவுசர் டாக்டரோட பூசனிக்கீரை ஸ்பெஷல், பிரபல பொறனி கோ.கோழிகுத்து, ஆந்திர அடிவேறு வைத்தியர் மற்றும் எனக்கு பெயர் தெரியாத மேலும் பல பிரபலங்கள்... அப்புறமா எந்தக்கட்டுப்பாடும் இல்லாம நீட்டா(neat-ஆ (கரெக்டா படிச்சீங்கள்ல?) விக்கற இங்க்லீஷ் மருந்துகள் ...

இந்த மாதிரி போலி டாக்டர்கள், கண்ட வீரிய மருந்தயும் கொடுத்து இருக்கற கொஞ்ச “நஞ்சையும்”(புரிஞ்சுதா?) எடுத்து வீரியம் என்ன விஷயமே இல்லாம ஆக்கிடறானுவ.. இதனால என்னாச்சுன்னா ஏகப்பட்ட குடும்பத்துல குத்து, வெட்டு, குடும்பகோர்ட், கேஸ்னு ஆகிப்போச்சு.. அது மட்டுமல்ல .. அரச மரம், ஆல மரம், வேப்ப மரம்னு சிம்பிளா மரத்த சுத்தி வந்து மாங்கா தின்னலாம்னு மட மரமா திரிஞ்ச மாதர்குலத்தை கரெக்டா கரெக்ட் பன்னி, அவங்க வயித்துல புள்ள குட்டிக்கு பதிலா நெசமாவே புழு, பூச்சி நெளிய வச்சானுவ , பிச்சக்காரனுக்கு பொறந்தவனுங்க...

பஜார்ல கிடைக்கிற நிஜார அவுக்கற சீப்பான படத்தலாம் கும்பலா கூடி கும்பமேளாவவா பாத்து, அத உண்மைன்னே நம்பி கற்பனை குதிரைய கன்னா பின்னான்னு ஓட விட்டுட்டு கடேசில இளைஞர்களும் இங்கேதான் வர்றாங்க...குமரன்s/oமகாலஷ்மி படத்துல. “துவண்டு கிடந்த பிஸினஸ்ச செங்குத்தா தூக்கி நிறுத்திட்டன்னு” நடிகர் வெ.ஆ.மூர்த்தி சொன்னது மாதிரி, இந்த ஃப்ராடுங்க தனக்கும் செய்வாங்கன்னு நம்பி. ஆனா இந்த போலிங்க கருங்குரங்கு கஷாயம், குட்டிக்குருவி லேகியம், மயில் தோகை ஆயில், கடா ஆடு பேஸ்ட்டுனு எதாவத வர்ற கஸ்டமர் இடுப்புல கட்டி அனுப்பிடுவாங்க...

அவ்வளவுதான் மருந்துங்கற பேர்ல போலிங்ககிட்ட வாங்குன கஸ்மாலத்த உள்ளுக்க தள்ளிட்டும் வெளிய தடவிக்கிட்டும் பப்பரப்பான்னு மல்லாக்க படுத்துக்கறாங்க.. நம்பாளுங்க. இதுல ’நான் அவனில்லை’ கதாநாயகன் மாதிரி 5.1 (dts இல்ல) கனவு வேற... விடிய விடிய குனிஞ்சே (நோ ஸ்பெல்லிங் மிஸ்டேக் ப்ளீஸ்..) பாத்துக்கிட்டுருந்ததுல கழுத்து வலிதான் மிச்சம். முடிவு என்ன ஆகும்? எதிர்காலத்துல 1க்கு மட்டும்தான் போலாம், வேற 1க்குள்ளயும் போக முடியாத மாதிரி ஆயிடும்.

மாமியார், நாத்தனார், கொழுந்தனார்னு பல பேரு மருமகள மகளா நினைக்காம ”இன்னுமான்னு?” நக்கலா கேக்கற கேள்வினால அவசரப்பட்டு போலிங்ககிட்ட வர்ற பொண்னுங்கள ”கர்ப்பப்பைல அழுக்கு” இந்த மருந்த ஒரு மண்டலம் சாப்புடுங்கன்னு ஏதோ மஞ்சப்பைய அழுக்கெடுக்கறாப்புல சுலபமா அவங்க ஏக்கத்த பயன்படுத்தி பணத்த புடுங்கிடுவாங்க போக்கத்த பசங்க..

இவனுங்க மட்டும் இல்லங்க, மொட்ட தலையில முடி வளக்கிறேன், மூலம் வந்தவன கூலாக்கறேன்ன்னு இன்னும் பல பேர் பல வகையிலே மக்களையும் சமுதாயத்தையும் நல்லா ஏமாத்திக்கிட்டு இருக்காங்க. அதுலயும் இந்த ”அபார்ஷன் ஸ்பெஷலிஸ்ட்”னு ஒரு கோஷ்டி அபார்ஷன்னா ஆம்லெட் போடறதுங்கற மாதிரி ஏகப்பட்ட இளம் பெண்களோட வாழ்க்கையில விளையாடிட்டு இருக்கானுங்க..

இதுக்கெல்லாம் என்னதான் தீர்வு?

இருக்கு. எல்லாரும் எல்லாருக்கும் முடிஞ்ச வரைக்கும் விழிப்புனர்வு வரவழைக்கற வகையில தெளிவான கருத்துக்களை பரப்புங்க. நல்ல ஆரோக்யமான , காய்கறிகள் நிறைந்த, சத்தான உணவுகள எடுத்துக்குங்க. இன்றைய இளைய சமுதாயத்தினர் பலர் ”குடிக்க ஒரு பீரு

சாப்புட கொஞ்சம் சோறு

பாக்க ஒரு படம்

படுக்க சின்ன இடம்”னு

தவறான சந்தங்களோடு வாழ்ந்துக்கிட்டு இருக்காங்க. ஆகையால், குடி, பொடி, பீடி, லேடி(யுமா?) போன்ற கெட்ட பழக்கங்கள் இல்லாமல் வாழ பழகுங்கள். எப்போ யாருக்கு என்ன பிரச்சனைன்னாலும் நல்ல மருத்துவரை அனுகுங்க.. சந்தேகங்கள தயக்கமில்லாம கேளுங்க.. நீங்களே டாக்டரா மாறி சொந்தமா கடா மார்க் லேகியம், காட்டெருமை கோமியம்னு வாங்கி சாப்புடாம மருத்துவர் அறிவுரைப்படி மட்டுமே மருந்துகள உட்கொள்ளவும். விழிப்புணர்வு இல்லாம மீறினா, கடேசில பின் விளைவா முன் விளைவே இல்லாம போய்டும் ஜாக்கிரதை. இன்றைய கால கட்டத்துல நவீன மருத்துவம் மிக பிரமாண்டமாய் வளர்ந்துள்ளது. நாம் போலி மருத்துவர்களிடத்தில் போகும் பிரச்சனைகளெல்லாம் மிக சாதாரண ஒன்றுதான் தற்கால மருத்துவ வளர்ச்சியோடு ஒப்பிட்டு பார்க்கும்போது... செலவுகள் அதிகமென்று சிக்கனத்திற்காக உங்கள் வாழ்க்கையை பனயம் வைக்காதீர்கள்.. எல்லாம் சரி ஏன் இவனுங்கள அரசாங்கம் நெனச்சா கட்டுப்படுத்தலாமேன்னு சொல்றீங்களா? அப்ப உங்களுக்கு அரசியல் தெரியாதுன்னு அர்த்தம். மேலும், மருத்துவ பதிவுல அரசியல் வேண்டாம்.. ப்ளீஸ் ஓக்கே?

மகா ஜனங்களே.. இத பத்தி நீங்க என்ன நினைக்கறீங்கன்னு தெரிஞ்சுக்க ஆர்வமா இருக்கேன்.. வழக்கம் போல கருத்து மழையா, காட்டாற்று வெள்ளமா பொங்கிட்டு போங்க..

(ஆண்குறி, ஆச்சர்யக்குறின்னு பதிவுலகத்துலயும், பத்திரிக்கையுலகத்துலயும் கவிதை, கட்டுரைன்னு கலக்குறவங்க இந்த பக்கத்துலயும் எதாவது சொன்னா அது விழிப்புனர்வ ஏற்படுத்தற முயற்சிக்கு பெரிய அளவுல உதவுறா மாதிரி சந்தோஷமான விஷயம்னு நெனைக்கறேன்)

அது மட்டுமல்ல எல்லாரும், வாங்குன காசுக்கு வஞ்சகம் இல்லாம வாக்குகள அள்ளி வீசுற வாக்காளர்கள் மாதிரி, ஓட்டுக்கள ’வார்ட்’ புயல் கணக்கா வாரி கொட்டுங்க....

அப்ப, மீண்டும் ஒரு அட்டகாசமான தருனத்தில் சந்திப்போமா?

யூஸ்லெஸ் ஃபெல்லொஸ் (வரி விலக்கு வேண்டாம்)

2009-12-17T01:48:00.002+05:30

எனதருமை அன்பர்களே, நன்பர்களே, சக பதிவர்களே, வாசகர்களே, கருத்துக்களை தயக்கமில்லாமல் வெளியிட்டு என்னை ஊக்கப்படுத்துபவர்களே மற்றும் என்னை பின் தொடர்பவர்களே, இனி தொடரப்போகிறவர்களே (அய்யய்யே... என்ன இது ஒரு எதுகை மோனைக்காக கூப்பிட்டா லேகியம் விக்கற எஃபக்ட் வந்துடுச்சி? சரி பரவால்ல.. உலகமயமாக்கலால எதிர்காலத்துல வயித்துப்பொழப்புக்கு உதவும்) எல்லாருக்கும் வணக்கம்.. என்னங்க எப்படி இருக்கீங்க? சந்தோஷமா இருக்கீங்களா? இருப்பீங்கன்னு நம்பறேன்.

இந்தப்படத்த பாக்குறப்ப கண்னுக்கு ஏற்படற குளுமையும், சந்தோஷமும் நேர்ல போய் பாக்கனுங்கற எண்ணத்த ஏற்படுத்துது இல்ல? ஆமான்னு சொல்றவங்க சொந்தக்காசுலயோ, கம்பெனி காசுலயோ போங்க இல்லன்னா வெயிட் பன்னுங்க தனக்கு தானாவே செய்வின வச்சுக்கிட்டு வர்ற யார் காசுலயோ போய்ட்டு வந்து சும்மா நச்சுன்னு ஒரு பதிவு போடுங்க, நிச்சயம் என் ஓட்டயும் , என் கருத்தையும் பதிவு செய்யறேன். ஏங்க.. ஏங்க... அத சொல்றதுக்கு நீ யாருய்யான்னு சொல்லிட்டு எங்க போறீங்க? ஏன் கோச்சுக்கறீங்க? என்ன சொல்லிட்டேன் இப்போ? என்னது ? நான் அதுக்கு சரியா வர மாட்டேனா? எதுக்குங்க? அட .... சொல்லிட்டு போங்க....

போங்க நீங்க ... நான் பதிவு போட்டு 3 நாளாச்சு ஒருத்தரும் அடுத்த பதிவு எப்பன்னு ஒரு சின்ன மெயில் கூட அனுப்பலே.. எப்படியிருக்கும் என் பிஞ்சு மனசு..? காமக்கேசுல கம்ப்ளெய்ண்ட் ஆன சாமியார்லாம் “எல்லாத்துக்கும் ஒத்துழைக்க தயார்னு” பேட்டி கொடுக்கறான் ஆனா, சார் எப்ப அடுத்த பதிவுன்னு யாருமே கேக்கலயே? அதனாலல்லாம் நான் சும்மா இருந்துருவேனா என்ன? சும்மா கிருக்கு... கிருக்கு.. கிருக்குனு மௌச புடிச்சு ஆரம்பிச்சுட்டன்ல.. .(தல பின்றீங்க..) ஸ்ஸ்ஸ்ஸ்... யாருப்பா அது? கொஞ்சம் பொறுங்க.. பதிவ முடிச்சிட்டு வர்றேன்...(ஓட்டுங்கற விஷயம் இருக்கறதால கொஞ்சம் செலவு ஆகத்தான் செய்யும். ஓக்கே?)

யாருப்பாது? கூட்டத்த கலைச்சது? “யாரும் கலைக்கலே.. நாங்களாத்தான் போறதுன்னு முடிவு பன்னோம்...”

ஏங்க? தத்திங்கினத்தோம்... ததாங்கினத்தோம்னு சொர்னமுகி மாதிரி என் நிலை ஆடிக்கிட்டிருக்கும் இந்த சூழ்நிலையில காசில கானடிச்ச காவி வேட்டி (சில பேரு பொண்டாட்டிய வேனுன்னே தொலைக்கிறாங்களாமே? அப்படியா?) மாதிரி என்ன உட்டுட்டு போவாதீங்க.. ப்ளீஸ்...

”அண்ணே... காசிக்கு போனா பாவம் தொலஞ்சு போவுமாம்.. உம்பின்னாடி வந்து என்ன ஆவப்போது?” (ஆம்பள பின்னாடி நாங்களாவது?)

நல்லா கேட்டீங்கய்யா டீட்டெயிலு,,, நாடு போற போக்குல அத திருத்த ஒரு ஆளுமே இல்லேன்னு ஒத்தயா பூலோகத்த பத்தி கவலப் பட்டிட்டிருக்கேன் பாரு... எனக்கு நானே தனக்கு தானே தண்டனயா விஜய் படத்தயும் கலர் நாயகன் ரித்தீஷ் படத்தயும் பாத்துர்றேன்.

”விஜய் படம் மாதிரி என்ன சொல்ல வர்றேன்னு தெரியாத குழப்பத்துலே நீ இருக்கன்னு தெளிவா தெரியுது...”

அப்படி சொல்லாதீங்க மதுரை மாவட்ட தலைவரே.. சீனே தெரியாம ஷூட்டிங் வந்த விஜய் போல, நயன்தாராவ பாத்த பிரபுதேவா மாதிரி நானே தட்டுத்தடவிக்கிட்டு (நல்லா படிங்க.. ’தட்டு’ தொட்டுல்ல..) இருக்கேன்.. எதுக்கா..? ஹாலிவுட்டா ..? கோலிவுட்டா?ன்னு தமிழ் திரையுலகமே தவிச்சுக்கிட்டு இருக்கு.. இதுலெ நம்ம பங்குக்கு எதாவது செஞ்சு தமிழனயும், தமிழ் திரையுலகத்தையும் காப்பாத்தனும்னு விஜய் படம் ஓட்டற ஆப்பரேட்டர் மாதிரி துடிச்சுட்டுருக்கேன்..தெரியுமா..?

“நீ என்ன நினைக்கறேன்னு எங்களுக்கெல்லாம் தெரிஞ்சுடுச்சு.. பேசாம எடத்த காலி பன்னு”

யாருன்னு தெரியலியே..?! சரி எதாவது ஒரு தெருப்பொறுக்கியா சாரி தெருப்பொருப்பாளரா இருக்கும் போல..அதனால என்ன.. நாம சொல்ல வந்தத சட்டு புட்டுனு (அப்படின்னா என்ன?) சொல்லிடுவோம்.

ஆங்... எங்க வீட்டேன்..?

“எங்க விட்டே? விட்டாத்தான் ஓடிப்போயிருப்போம்ல”..?

சினிமாங்கறது வெறும் பொழுது போக்கு மட்டுமே, அதை பாக்கும் ரசிகனுக்கு. ஒரு சினிமான்னு வந்தா நம்மள மாதிரி ஆளுங்க பாக்கெட்ட குறி வச்சுத்தான் ரிலீஸ் பன்னுவாங்க. அதனால உங்க இஷ்டப்படி படத்துக்கு போங்க, ஆனா, நியாயமான விலையில டிக்கெட் வாங்கி போங்க. ப்ளாக்குல டிக்கெட் வாங்குறதால சில சமூக விரோதிகள நீங்களே உங்கள அறியாம உருவாக்க காரனமா இருக்கறீங்க..தியேட்டர்ல டிக்கெட் வில கூட விக்கறதுல என்ன சமூக விரோதம் வந்துரப்போது? உங்க வருமானத்த விட அதிகமா, படத்துக்கான தகுதிய விட இதெல்லாத்துக்கும் மேல ரசிகன்ற ஒரே முட்டாள்தனமான பட்டத்தால உங்களோட பொன்னான நேரத்தையும் (நம் நாட்டின் உழைப்பு நேரம்) எழுபது கோடி இந்தியர்களில், ஒரு தனி மனிதனின் ஒரு முழு நாள் வருமானத்தை விடவும் அதிகமாக செலவு செய்கிறீர்கள். இந்த செலவால் எதாவது பலன் உண்டா? உண்டு. லாபம் சம்பாதிக்கும் பட, தியேட்டர் அதிபர்கள், கலைஞர்கள் வரி ஏய்ப்பு செய்யற ஒன்னுதான் அது.

அத அரசாங்கம்ல கேக்கனும்? எங்கள குறை சொன்னா?

ஏ... இளைய சமுதாயமே....(அப்பாடா அட்வைஸ் ஏரியாவுக்கு வந்தாச்சு) இது போன்ற பொழுது போக்கு விஷயங்களில் நீ செலவழிக்கும் நேரத்தை உன் எதிர்காலத்தை தீர்மானிக்கும் விஷயங்களில் ஈடுபடுத்து. இதனால் உன் வாழ்வும் வளமாகும்.. உன்னைச்சார்ந்த சமுதாயமும் உயர்நிலை அடையும். நம் பாரத நாடு உண்மையிலே உலக அளவில் தலை நிமிரும்.

அதெல்லாம் முடியாது.. எங்க தளபதி முக்கியம். நாங்கெள்லாம் நடிகன் பின்னாடிதான் போவொம், ஒரு நாள் 3 மணி நேரம் சினிமா பாக்குறதுல்ல ஒன்னும் குடிமுழுகிடாது. எவ்வளவோ பேர் இன்னக்கி பெரிய ஆளா இருக்காங்களே அவங்கள்லாம் சினிமாவே பாக்கலியா? ஏன் சினிமாலயே நிறய ஜாம்பவான்கள் இருக்காங்களே? அப்படின்னு சொல்றீங்களா?

அப்ப நிச்சயம் போங்க..

நாளய உலகம் உங்கள பத்தி ஒரு வரில சொல்லும்..

என்னவா..?

தலைப்ப பாருங்க தம்பி,,,,

பாத்துட்டு பேசாம போறீங்களே இது உங்களுக்கே நியாயமா? இடைத்தேர்தல் ஓட்டா, மழைக்கால குற்றாலாமா வாக்கையும் கருத்துக்களையும் கொட்டோ கொட்டுன்னு

குமுறிட்டுப்போங்க....

காதல்னா சும்மா இல்ல...

2009-12-13T11:11:00.000+05:30

தலைப்ப பாத்தீங்கள்ல, சும்மா இழுக்குதா? ஆமாங்க காதல்ங்கறது ஒரு புனிதமான விஷயம். எப்படின்னு தெரிஞ்சுக்கனுமா? மேல படிங்க. காதல்ல அந்தக்காலம் இந்தக்காலம் அப்படின்னு எதுவும் இல்லங்க, எல்லாம் நம்ம மனச போலத்தாங்க. எல்லாக்காலத்துலயும் இரு பாலருக்கிடையேயான பரஸ்பர புரிதலுக்கு பின்னரான ஈர்ப்பு இழுத்து செல்லும் திசைதான் காதல் என்றால் மிகையாகாது.

ஆனா தற்காலத்துல இன்றைய இளைய சமுதாயத்துக்கு எதிர்பாலினரை சந்திக்கும், பழகும் வாய்ப்புகள் கடந்த காலத்தை ஒப்பிடும் போது சற்று அதிகமாகவே உள்ளது. இது எந்த வகையில் இன்றைய இளைய சமுதாயத்தில் தாக்கத்தை ஏற்படுத்துகிறது என்பதை பார்ப்போம்.

அண்ணலும் நோக்கினான் அவளும் நோக்கினாள் அது அந்தக்காலம், அவனும் நோக்கியா இவளும் நோக்கியா (கனெக்டிங் பீப்பிள்ங்க) இது இந்தக் காலம். இந்த விஷயத்துல செல் ஃபோன் கம்பெனிங்க எல்லாம் கிட்டத்தட்ட மாமா வேலைதாங்க செய்யறாங்க. எப்படின்னு தெரியுமா? ஆம்பள பேசுனா ஒரு காசு, பொண்னுங்க பேசுனா இலவசம். உங்களுக்கு எவ்ளோ இன்கமிங் வருதோ அந்தளவுக்கு உங்க கணக்குல அவுட் கோயிங்குக்கான பாலன்ஸ் ஏறும். (ஏறட்டும் ஏறட்டும் எல்லாம் அப்பன் காசு).

தம்பிகளா சினிமாலயும் டிவிலயும் ஹீரோ ஹீரோயின லவ் பன்ற காட்சிகளெல்லாம் உங்கள தூண்டுதா? தூண்டனும் அதுக்குத்தானே படமே எடுக்கறாங்க. கார்ப்பொரேஷன் ஸ்கூல் பசங்களுக்கு கஸ்தூரிராஜா எடுத்தா கான்வெண்ட் பசங்களுக்கு மனிரத்னம் எடுக்கப்போறாரு. இருட்டு அறையில முரட்டு ஒலி அமைப்போட பாக்குற காட்சிகள் இளைய சமுதாயத்துல (அதாங்க டீன் ஏஜ் குரூப்பு) குருட்டாம்போக்கான எண்ணங்கள ஏற்படுத்தி யார் பெத்த புள்ளயோ யார் பெத்த பொண்னயோ இழுத்துக்கிட்டு ஓடறான். ஆனா அதுக்கு பிறகு இரண்டு குடும்பமும், ஓடிப்போனவங்களும் சந்திக்கற பிரச்சினைகள எந்த சினிமாவும் சொல்லல, சொல்லவும் மாட்டாங்க.

வாழ்க்கையின் அடிப்படை தேவைகளை சுயமாக நிறைவேற்றிக்கொள்ளும் பொருளாதார வசதி இல்லாத, ஏற்படுத்திக்கொள்ளும் வழி தெரியாத நிலையில் திசை மாறி சென்று வாழ்க்கையை தொலைத்த ஜோடிகள் ஏராளம்..

இருவருக்குள் வெரும் தோற்றத்தை மட்டுமே வைத்து ஏற்படும் ஈர்ப்புக்கு காதல் என்று இன்றைய கலை உலகம் மிகப்பிரமாதமாக, பிரமாண்டமாக தொடர்ந்து போதித்து வருகிறது (விளைவு அவர்கள் குடும்பத்திலேயே தெரிந்த போதும் கவலைப்படாமல், பணம் ஒன்றே குறிக்கோளாய்). ஆனால் நாடு? குடைக்குள் மழை மாதிரி குடைக்குள் குடும்பம் (வெயிலோ மழையோ ஏன் சுனாமியே வந்தாக்கூட தெரியாம, யாரு மனசுலே யாருங்கறது கூட கண்டு பிடிச்சுடலாம் ஆனா யாரு கை யாருக்கிட்டன்னு கண்டு பிடிக்க முடியாது ) போன்ற காட்சிகள பாக்க வேண்டியிருக்கு

“உங்களால இதெல்லாம் செய்ய முடியலேங்கற பொறாமையில ஈஸியா இப்படி எங்கள குற்றம் சொல்ல முடியுது” அப்படிங்கற முடிவுக்கு யாரும் வந்துடாதீங்க. ஏன்னா இந்த காட்சிகள பாக்காத நன்பர்கள் யாராவது இருக்கீங்களா? பாத்துருப்பீங்க, சிலர் நைஸா, டிக்கெட் இல்லாத பிட் ஓடுதுன்னு அப்படி இப்படி நின்னு கூட பாத்துருக்கலாம். ஆனா சாலையக்கடக்கும் போது நீங்க பாத்த இந்த குடைகள்ல உங்க வீட்டு புள்ளங்க இருந்தா? நெனைக்கும் போதே பகீர்னு இருக்கா? அன்பு வாசகர்களே நீங்க பெற்றோர்களா இருக்கும் பட்சத்தில் உங்கள் குடும்ப உறுப்பினர்களுடன் நேரத்த செலவிடுங்க, உங்களோட புள்ளங்களுக்கு வாழ்க்கைய பத்தி சொல்லி கொடுங்க. ஏன்னா நீங்க சொல்லி தரலேன்னா அவங்க தானாவே தப்பா கத்துப்பாங்க.

பள்ளி கல்லூரிகளில் படிக்கும் இளைய நன்பர்களே பிடிச்சவங்களோட பிடிச்ச மாதிரி பழகுங்க. உங்களோட பெற்றோர்கள் உங்களுக்காக காத்திருக்கிறார்கள் உங்களுக்கான நல்ல வாழ்க்கையை கையில் வைத்துக்கொண்டு என்பதை மனதில் வைத்து..ஏனெனில் எந்த பெற்றோரும் தங்கள் செல்லங்களை எங்கும் தள்ளிவிட மாட்டார்கள். பாதியில் வந்த பையனயும் பொன்னயும் நம்புற நீங்க உங்க பெற்றோர நம்ப மாட்டீங்களா என்ன?

அப்படீன்னா நீ காதலுக்கு மரியாதை செய்யாதவனா?ன்னு கேக்கறவங்களுக்கு “காதல் என்பது மனிதன் அல்ல மரியாதை செய்வதற்கு, மனிதன்தான் மரியாதையை எதிர்பார்ப்பான், அது ஒரு உணர்வு, புரிந்து கொண்டு தெளிவாக தெரிந்து கொண்டு, நிகழ் கால இன்பங்களை பார்த்து அவையே நிரந்தரம் என ஏமாறாமல் எதிர்கால சந்ததியினருக்கு நல்ல உதாரணமாக திகழக்கூடிய காதல் தம்பதியினரை மனதார வாழ்த்தி வரவேற்கிறேன்.”

அப்பா, அம்மா, அண்ணன், அக்கா, தம்பி, தங்கச்சின்னு சந்தோஷமா போய்க்கிட்டுருக்கற ரெண்டு குடும்பங்களோட சந்தோஷத்தத்தான் இன்றைய இளைய சமுதாயம் காதலுங்கற பேருல பலி கொடுக்குது. இப்ப புரியுதா ஏன் காதல்னா சும்மா இல்லன்னு?

சிலர் கை கொட்டி சிரிப்பார்கள்.....

2009-12-11T23:58:00.001+05:30

நாட்டின் பள்ளி கல்லூரி வாகனங்கள் அதிரடி சோதனை, உரிமம் இல்லாத, முறையான அனுமதி பெறாத மற்றும் ஓடுவதற்கு தகுதி இல்லாத வாகனங்கள் பறிமுதல். ஆகா என்ன ஒரு அருமையான செய்தி..! அடேங்கப்பா.. என்னா ஒரு வேகம்...! அரசாங்கம் சாட்டைய கையில எடுத்துடுச்சு இனிமே ஒரு கவலையும் இல்லே, நம்மூட்டு புள்ள குட்டிங்க பத்திரமா ஸ்கூலுக்கும், காலேஜுக்கும் போய்ட்டு வந்துடும். அப்படீன்னு நிம்மதி பெருமூச்சு விடற ஆளா நீங்க? அப்ப நில்லுங்க ராஜாவே... இந்த பதிவு உங்களுக்குத்தான்..ஏன்னா “படிச்சவன் பாடம் நடத்துறான்.... படிக்காதவன் பல்கலைக்கழகமே நடத்துறான்...”

படிக்கற புள்ளக்காக குடிக்கற டீய க்கூட மிச்சம் பன்னி “எம்மவனும் கான்வெண்ட்ல படிக்கிறான்னு” ஊர் போற்ற நினைத்து பிள்ளைகளை (ஒரு புள்ளயோட யாரு நிறுத்திக்கறா?) நாலு ஆஸ்பெட்டால் சீட்டும் நமுத்துப்போன சுவரும் நசுங்குன ஆட்டோவும் (அம்பது குழந்தைகளும் ஏத்திக்கலாம், கேள்வி கேட்டா வீட்டுக்கு அடியாளும் அனுப்பலாம்) வச்சிருக்கற ஒரு இடத்துல (சேத்தவங்க “ஸ்கூல்னு” சொல்றாங்க?) கொண்டு விட்டுட்டு, அந்த குழந்தை வளர்ந்து டாக்டர், இன்ஞினியர், கலெக்டர் ஆவும்னு கனவ ஸ்டார்ட்னு சொல்லிட்டு தூங்க ஆரம்பிச்சுடுறாங்க..ஃபீஸுக்கு அண்டாவும், டெர்ம் ஃபீஸுக்கு குண்டாவும் வித்து கட்டறாங்க. (என்னது? செயின், தோடு, வளயல்லாம் இருக்கா? இருக்கட்டுங்க.. அதெல்லாம் காலேஜ் படிக்கறப்ப வேனுங்க) இப்படியெல்லாம் ஜனங்க ரத்தத்த சுத்தமா மொத்தமா குடிச்சு, ஆறேழு மாடியும் கூட ரெண்டு லேடியும் சேத்து கட்டிக்கிட்ட கம்மனாட்டிங்க எதயாவது ஒழுங்கா செய்றானுவளா? இல்லயே...நடத்துற ஸ்கூலுக்கு பெர்மிஷன் இல்ல..ஓடுற வண்டிக்கு ஒழுங்கான பேப்பர் இல்ல..அப்புறமா அத ஓட்டுற ட்ரைவருக்கு லைஸென்ஸ் இல்ல (நாங்கள்லாம் ஸ்கூலுக்கே வாங்கலே வேனுக்கா வாங்குவோம்? எந்த ஊருடா நீங்க?) கடைசியா இந்த மாதிரி இடத்துல உயிரினும் மேலான புள்ளங்கல சேக்கற பெற்றோருக்கு தலையில மூளையும் இல்ல...

இந்த உலகத்துல பொறக்கற எல்லாரும் மூளையோடதான் பொறக்கிறாங்க. ஆனா அம்மினிக்கு கலர் டிவி, அய்யனுக்கு டாஸ்மாக், செய்யாத வேலைக்கு கூலி திட்டம் (சில இடங்கள்ல சில அயோக்கியர்கள் திட்டம் போட்டு சில அப்பாவிகளை வேலை வாங்குவதும் நடக்கிறது) போன்ற சுலபமான வழிகள் ஆன்னு தொறந்திருக்கற சாமான்யன் வாய் வழியா மூளைக்கு போய் மழுங்கடிச்சுடுது. போதாக்குறைக்கு குத்தடி குத்தடி சைலக்கா குனிஞ்சு குத்தடி சைலக்கான்னு கும்மியடிச்சு, பொடச்சு பொங்கி சாப்புட இலவச அரிசி வேற...

ஏற்கனவே வெற்றிவேல் வீர வேல்னு நின்ன பயதான் நம்ம பயபுள்ளக... இவ்வளவும் செஞ்ச பிறகு கேக்கனுமா? ரொக்கமா வாங்குனான் சொக்காவ போட்டான் பக்காவா குத்துனான் நீலக்கலர் பட்டன. அப்புறமென்ன? அன்னியோட முடிஞ்சது அவன் கத.

நடந்தது நடந்து போச்சு இனி ஆக வேண்டியது என்னன்னு பாப்போம்னு சொல்றீங்களா? அனைவரும் தங்கள் பிள்ளைகள் படிக்கும் பள்ளி, கல்லூரிக்கு சென்று அங்கீகாரம், இதர வசதிகளின் உண்மை நிலவரம் போன்றவற்றை தீவிரமாக அடிக்கடி (குறைந்தது 3 மாதத்துக்கு ஒரு முறை) விசாரியுங்கள். தகவல் அறியும் சட்டத்தை தேவைப்பட்டால் பயன் படுத்துங்கள். புதிதாக சேர்க்கப்போகிறவர்கள் முன்பே இந்த தகவல்களை தெரிந்து கொண்டு சேருங்கள். ஜனநாயக நாடான நம் இந்திய தேசத்தைப்பற்றி நாம்தான் கவலைப்பட வேண்டும். நம் மக்கள் சக்தி மிகப்பெரிது. மிகச்சரியாக ஒன்றுபட்டால் முட்டாள் அரசியல்வா(வியா)திகளை ஒழித்து விடலாம். இல்லையெனில் இந்த பதிவின் தலைப்புக்கு நீங்கள் உதாரணமாக இருக்க வேண்டியிருக்கும்...

ஒன்று படுவோம்..

உலகிற்கு நம் சக்தியை உணர்த்துவோம்...

வாழ்க இந்தியா...

இத படிங்க மொதல்ல

2009-12-10T22:19:00.001+05:30

ஹாய் எவ்ரிபடி, என்ன எப்டி இருக்கீங்க..? இந்த நாள் இனிய நாளா போச்சா? வேகமா ஓடிட்டு இருக்கற இந்த உலகத்துல நம்ம வாழ்க்கைல ஒவ்வொரு நாளும் உன்னதமான நாள்தான் இல்லீங்களா?(ஆமாங்க, கொஞ்சம் யோசிச்சு பாருங்க, பிறக்காமலே போனவங்க, அல்பாயுசல போனவங்க, அறை குறையா வாழ்ந்து மடிஞ்சவங்க அவங்களுக்கு இல்லாத ஒரு முழு நல்ல நாள் ) அத நாம எப்படி கழிச்சோம் அப்படின்னு திரும்பி பாத்து வருத்தப்பட்டோ, சந்தோஷப்பட்டோ என்ன ஆகப்போது? எல்லோருமே எல்லா நாளையும் நல்ல நாளா மாத்திக்கறது அவங்கவங்க கைலதாங்க இருக்குது.

என்னய்யா இப்படி சொல்றே? கடந்த கால வாழ்க்கைய பாத்து பாடம் கத்துக்கன்னு பெரியவங்கள்ளாம் சொல்லியிருக்காங்களே அதெல்லாம் என்னன்னு கேக்கறீங்களா?

அனுபவங்கறத கிமுலேர்ந்து கிபிக்கு வந்த நாம இன்னும் சரியா , சரியா என்ன சரியா கொஞ்சம் கூட புரிஞ்ச்சுக்கலேங்க.

பின்ன என்னங்க நாம மட்டும் அனுபவத்த பத்தி தெரிஞ்சு வச்சிருந்தா இன்னய தேதிக்கு நம்ம தமிழ் சினிமா ஹீரோக்கள் (யார் பேர சொல்றது யார விடறது) 50 வது படம், 100வது நாள்னு நம்மள பாடா படுத்துவாங்களா சொல்லுங்க?

சினிமால மட்டுமா நாம ஏமாந்து போறோம்? ஒவ்வொரு தடவ தேர்தல் வரும்போதும் மாத்தி மாத்தி ஓட்ட போட்டு உருப்படமா ஆயிருக்கோம். இதுல வெக்கெங்கெட்ட தனமா “ஏண்டா மாரி உங்கூட்ல ஆத்தாள தூக்கிட்டு வரலியா பூத்துக்கு? தலைக்கு 500ரூவா தர்றாங்களேடா..” என அடுத்தவனையும் கெடுக்கறோம், மீன் மார்க்கெட் அண்டாவுல இருக்கற நண்டு மாதிரி.

யாராச்சும் மீன் மார்க்கெட் போவும்போது இத பாத்து இருக்கீங்களா? ஒரு நண்டு இன்னொரு நண்ட வெளிய வர விடாம பிடிச்சு உள்ளே இழுக்கும், அதனால அந்த பாத்திரத்த மூடாமலயே வச்சுருப்பாங்க ஏன்னா நண்டு எங்கயும் போகாது.

ஆனா நம்ம நாடு அப்படியில்லங்க எல்லாத்தையும் தொறந்து போட்டு உலக மயமாக்கங்கற பேர்ல நைஸா நம்ம பணத்த எல்லாம் வெளி நாட்டுக்கு அனுப்பிட்டு இளிச்சவாயனா இருக்கோம். போதாக்கொறைக்கு நம்ப பழய பிரசிடெண்ட் கலாம் அவர்கள் இந்தியாவின் எதிர்காலம் என்று கனவு கண்டு கொண்டிருக்கும் “யூத்” (பாருங்க இந்த பேருலயும் ஒரு சினிமா எடுத்து காசு பாத்துட்டாங்க) எனப்படும் இளைய சமுதாயம் கிட்டத்தட்ட வெளி நாட்டு பொருட்களை மட்டுமே உபயோகிக்கும் அடிமையாகவே மாறி விட்டிருக்கிறது. இதெல்லாம் எதனாலன்னு தெரியுமா? சுயமா சிந்திச்சு ஏன்?எதற்கு?எப்படி?ன்னு முடிவுகள் எடுக்கற அளவுக்கு மன வளர்ச்சி இல்லாததே காரணங்கறத தவிர வேறென்ன?

பொழுது போக்கு சாதனமான தொலைக்காட்சி சானல்களில் நிகழ்ச்சிகளை இன்று அதிகளவில் வழங்க்கும் சானல்களில் நமது சொந்த சான்ல்களுக்கு சமமான அளவில் வெளி நாட்டு சானல்கள் இடம் பிடித்திருக்கின்றன.

இதுக்கெல்லாம் காரணம் என்ன தெரியுமா? சொந்த அறிவு இல்லாம இவன் சொன்னான், அவன் சொன்னான்னு எல்லாத்தையும் கேட்டு சுயத்தை இழந்து அடையாளம் மாறி கோமாளிகளாக திரிந்து கொண்டிருக்கும் நாம்தான்...

இப்பவும் இதப்படிச்சுட்டு யாராவது இனிமே சுயமா சிந்திக்கப்போறதா முடிவு எடுத்தா அத என்னனு சொல்றது?

வோட்டுன்னு சொன்னாலே அரசியல்தான். அதனாலே அனைவரும் வோட்டு போடுங்க, ஏன்னா இத நிறைய பேர் படிக்கனும்னு நான் விரும்பறேன்..(சுயமா சிந்திச்சு செயல் படுங்க)

என்னை சளிக்கு பிடிச்சிருக்கு

2009-12-09T23:08:00.000+05:30

அன்பர்களே நன்பர்களே...எல்லாருக்கும் வணக்கம். என்னை மாதிரியே நீங்க எல்லாரும் ரொம்ப நல்லாருப்பீங்கன்னு நம்பறேன் . என்னடா இது      சளிக்கு பிடிச்சிருக்குன்னு தலைப்பு வச்சிட்டு என்ன மாதிரியே நல்லாருப்பீங்கன்னு சொல்றேன்னு பாக்கறீங்களா? சாபம் விடலீங்க உண்மையாதான் சொல்றேன்.. ஏன்னு கேக்கறீங்களா? கேக்கலன்னாலும் சொல்லுவேன் ..என்னோட பதிவுக்கு தொடர்ந்து ஆதரவு தர்ற உங்களோட நல்வாழ்வுக்கு நான் எப்பவுமே இறைவனை ப்ரார்த்திக்கறேன்.(அப்பாடா காரணம் சொல்லியாச்சு) இன்னய தேதிக்கு தமிழ் நன்பர்கள் பலர் “சளின்னா” ஏதோ வட இந்திய பொண்ண சார் க்ரெக்ட் பன்றாரு போலன்னு நெனைக்க வாய்ப்பு அதிகம்(கோல்ட் -னாதான் தெரியுது). அதனால எல்லா தமிழ் இளைஞ, இளைஞிகளும் சளி என்பது மனிதர்களுக்கு சாதாரனமாக வரும் ஒரு இடஞ்சல் என கற்பூரம் போல புரிந்து கொள்வார்கள் என சத்தியமாக நம்புகிறேன்.

“யோவ் உலகத்துல கோடிப்பேருக்கு என்னன்னமோ வியாதில்லாம் வருது.. எல்லாரும் வியாதிக்கு ஒரு ப்ளாக் ஆரம்பிச்சா என்ன ஆவறதுன்னு” யாரும் பின்னூட்டம் போட்டுடாதீங்க..

பத்து நாளைக்கு முன்னாடி லேசா, போக்கிரி படத்துல நம்ம காமெடியண்ணண் விஜய் அடிக்கடி மூக்க உறிஞ்சற மாதிரி அளவுல இருந்த என் பிரச்சனை கொஞ்சம் கொஞ்சமா தீவிரமாயி இன்னிய தேதிக்கு தெலுங்கானா அளவுக்கு பெரிசாயிடுச்சு.

எப்பவும் போல சாதாரன ஆளா இருந்தா இந்த அளவுக்கு கவலைப்பட போறதில்லே...நான் பதிவுலகிற்கு வந்து நாலு நாள் ஆயிடுச்சு.. இதுல மூனு நாளா எந்த பதிவும் போடாததால, எங்கே பதிவுலக நன்பர்களெல்லாம், முதல் படம் ஹிட் கொடுத்த டைரக்டர் பலர் அதுக்கப்புறம் தொடர்ந்து ப்ளாப் கொடுத்த மாதிரி இவனும் அவ்ளோதான்னு நெனச்சிடப்போறாங்கன்னு பயத்துல பல பேருட்ட ஐடியா கேட்டப்போ (அதுல ஒருத்தர் ஏற்கனவே ஆறு மாசமா பதிவு போட்டுக்கிட்டு இருக்கார்) மூக்குப்பொடி போடுங்க , யூகலிபட்ஸ் பொடி போடுங்கனு மேலோட்டமா சொன்னாங்க. சிலர் மஞ்சள கொளுத்தி புகைய இழுங்கன்னு பத்த வச்சாங்க.. இன்னும் கொஞ்ச பேரோ , “சார் தைலத்த நல்லா கொதிக்கற தண்ணில் போட்டு போர்வையால போத்திக்கிட்டு ஆவி புடிங்கன்னு திகில் பட ரேஞ்சுக்கு தீ மூட்டினார்கள்”. இன்னும் சில நன்பர்கள் “நைட் ஒரு கட்டிங்கும், ஒரு சிட்டிங்கும் சைட் டிஷா கல்பெப்பரும்(சிக்கன்) போட்டா சளிக்கு கிலி வந்து சொல்லாம கொள்ளாம பொழுது விடியறதுக்குள்ள போய்டும்னு” உசுப்பேத்துனாங்க.

“தோ பருங்க தம்பி, ஏதோ படிச்சுட்டு போலாம்னு வந்தா நீங்க பாட்டுக்கு என்னென்னமோ சொல்லிக்கிட்டு இருக்கீங்க. சளி புடிச்சத சனி புடிச்ச ரேஞ்ச்சுக்கு பில்ட்ப் தராம பிரச்சனை என்னன்னு சொல்லுங்க” அப்படின்னு உங்கள்ள ஒருத்தர் அலுத்துக்கறது புரியுது, அண்ணே தயவு செய்து கோச்சுக்காம, இவ்வளவு தூரம் வந்த நீங்க முழுசா படிச்சுட்டு போங்க.

இவர் சொன்னாருன்னு இதுவும், அவர் சொன்னாருன்னு அதுவும், இப்படி பலர் சொன்னதுல பலவும் போட்டதுல மூக்கு எரிச்சல் வந்து விஜய் மாதிரி ஸ்டைலா(?) மூக்கு உறிஞ்சிட்டுருந்த நானு இப்ப புரட்ச்சி தலைவர் எம்ஜிஆர் ஸ்டைல்ல அடிக்கடி மூக்க தடவிக்கிட்டு இருக்கேன்.

ஸ்டைல் மாறினது கூட கவலை இல்லீங்க ... திண்டுக்கல் மாவட்ட குடக்கல், மூனு தலை நாலு வால் கன்னுக்குட்டி, அரசியல்வாதிகளின் அதிரடி அறிவிப்பு, இப்படி பல டாபிக்ல சக நன்பர்களெல்லாம் பதிவு போட்டு கலக்குற காட்சி பொறாமைய கிளப்புதுனல மூக்கு சரியில்லன்னாலும் பரவாயில்ல, இருக்கற மூளைய(?) வச்சி பிரச்சனைய ஊதி பெருசாக்கிடுவோம்னு இந்த பதிவு போட்டாச்சு.

ஆமாங்க நானும் எவ்வளவோ கம்பெனி மருந்துல்லாம் தடவி, உள்ளுக்கு இழுத்து ட்ரை பன்னேன். இப்ப இந்த பதிவுக்கு அதுல ஏதாவது ஒரு ரெண்டு மூனு கம்பெனி ஸ்பான்ஸர் பன்ற வாய்ப்பு இருக்கான்னு விபரம் தெரிஞ்சவங்க சொல்லுங்களேன். (உங்க சளி உடனடியா ஓடிப்போய்டும்.)

இந்த பதிவு உங்களுக்கு பிடிக்கலேன்னா கவலைப்படாதீங்க.. ஏன்னா எனக்கு இப்பதான் லேசா ஜுரம் அடிக்கற மாதிரி இருக்கு அத வச்சி அடுத்த பதிவு போட்டுர்றேன்.....

வந்ததுதான் வந்தீங்க உங்க பொன்னான வாக்க “தமிழிஷ்ல” குத்திட்டு போங்க..